Yisemi, Kwasenu Ana Jenu Hanga Alinge Yuma Yize Muyayukisa ku Mwono

Yisemi waze akuwayila Zambi, kakumona ngwe ana jo kanashimbula chinji kupwa tuvumbi ashishika a Yehova. Alioze, yisemi mahasa kukwasa ana jo ha kwaalongesa Mbimbiliya chize ha wanuke wo. (Shi 6:7; Yis 22:6) Shina yisemi katamba kusa tachi jinji? Ewa! Alioze, mapwa ni yiwape yinji kuhiana tachi jize masa.—3Yo 4.

Yisemi mahasa kulilongesa chinji ha chilweza cha Yosefwe ni Maria. Ayo kapwile “nikuyaya mwaka ha mwaka ku Yerusaleme ha chiwanyino cha Chizomboka,” chipwe ngwe chino te chakufupiwa tachi ni mbongo. (Lu 2:41) Kuli Yosefwe ni Maria, chapwile chilemu chinji kukwasa usoko wo hanga ukundame kuli Yehova. Chizechene nawa, ni yisemi musono mahasa kusongwela ana jo mu jila yalita, mahasa kuzachisa uhashi weswe hanga aalongese kupalikila mu yitanga ni yilweza.—Sam 127:3-5.

TALENU CHINEMA CHAKWAMBA NGWO, AYO KAKUZACHISHA UHASHI WESWE HANGA ALONGESE ANA JO, MBA NUKUMBULULE YIHULA YINO:

• Kuchi Yoano ni Sharon Schiller asolwele ngwo kakusa chitangu Wanangana ku mwono wo mu usoko?

• Mumu liaka yisemi atamba kulongesa ana jo kulita ni kupwa cha ana?

• Kuchi yisemi mahasa kukwasa ana jo hanga anyongonone muze mapalika mu yeseko ya ufulielo wo?

• Mikanda yika ya mu ululikiso wa Yehova yize wakuzachisa hanga ukwase ana je akole ku ufulielo?