Nipadduwo na Salomau ninowoniha endhaga ompadduwela muttu-muttu wa iyo. Txino ninodhaga okosa yottega enddimuwa banubuwela wi dhilobodha dhipadduwile momaguva-mwene. Txino ena anologa, “Dhilobodha dhipadduwile mohijedheleya-mwene.” Mbwenyi nigatanalela deretu ninowona wi yottega eji yodhelavo ya dhogana dhabure. Txino dhotene dhiromile na ohasakula deretu amarho vina mavego aniwanana na mweddelo wa mwilaboni, saiti dhapepesiye—obe mimburho dhakaliye dhali dhohifwanyelela mwa Mukristu. Txino muttuya wahittiya olobela, omwengesa Bibilia, wona matugumano vina odhowa mmabasani olaleya. Dhahene ninga muzombwe onlogiwa munivuruni na Gano, txino yottega eji kipadduwile momaguva. Ninsunzavo eni na nipadduwo ntti? Iyo kaninfwanyelela orabela yottega bahi mbwenyi ninofwanyelela orabela ejile enanittukulele ottega. Salomau ohinonihedhamo ejuwene na ejile empadduwele muzombwe oddule vina muyana wa jeberuwa.—Mt. 5:29, 30. w24.07 16 ddima 10-11

Nifumo ntti ttivi? Mabasa a olaleya anvuna dhigumi vina dhinloga mwaha wa Omwene wa Mulugu. (2 Ko. 4:1) Yobo y’ologo entapulela nni? Entapulela adhari a Mulugu analaleyela attu ena miselu dhapama. Nsaka na Paulo, aliba marhondda anlabihedha yobo y’ologo wi attukule vina akoye dhilobo dhattima, ninga dhoja vinyu na kobiri. Na mukalelo wakakene iyo ninladdanihiwa na yobo y’ologo vina Yehova ononilabihedha wi nittukule miselu dhapama. Na nikamihedho na Yehova iyo nihikana guru dhinfunihu wi nidhowegevi nilaleyaga. Masaka mena ninodhaga wawova attu vina wova ohivuruwaniwa. Ninawodhe dhavi opemberha wova oku? Koona nlobelo nikosile arumiwi mudhidhi okoddihiwani olaleya. Ottiya opemberhiwa na wova, ahimukumbirha Yehova nikamihedho wi adhowegevi alaleyaga na oliba murima. Momaguva-mwene Yehova wahakula nlobelo nawa. (Mer. 4:18, 29, 31) Akala masaka mena onopattiwa na wova mmalaleyoni, kamukumbirhe Yehova wi awukamihedhe wakwela attu wi owodhe walaleya miselu dhapama. w24.04 16 ddima 8-9

Omukwela Yehova ononittukulela ottittimiha nzina naye. Eji entapulela wi enofuneya waziwiha attu wi dhotene dhilogile Satana mwaha wa Yehova, sottambi. (Wi. 3:1-5; Job 2:4; Jo. 8:44) Mmabasani a olaleya iyo ninombarela Yehova, nawaddelaga ebaribari abale otene anninvuruwana. Iyo ninfuna wi otene aziwe wi mukalelo munddimuwaya wa Yehova okwela, olamulela waye buli wamakamaka vina woligana, Omwene waye bunagomihe matabuwo otene vina bunadhena murenddele na wagalala wa attu otene. (Ms. 37:10, 11, 29; 1 Jo. 4:8) Nigamelela ekalelo ya Yehova mmabasani a olaleya, ninokoddeliha nzina naye vina ninowoniha wi ninkalawo mowiwanana na nzina ninttukulehu. w24.05 18 ddima 12