Ang Binihag nga Bata Misulti Bahin sa Iyang Diyos

WALA ta mahibalo sa iyang ngalan, pero nahibalo ta sa importanteng panghitabo sa iyang kinabuhi. Siya usa ka batang babaye nga nagpuyo sa Israel panahon sa pagmando ni Haring Jehoram. Rebelyoso ang maong hari ug ang nasod nga iyang gimandoan, busa gitugotan ni Jehova nga kanunayng atakehon sa mga Siryanhon ang mga Israelinhon, bihagon ang pipila kanila, ug kawaton ang ilang mga propidad. Usa ka adlaw niana, gibihag sa mga Siryanhon ang batang babaye ug gidala siya sa Sirya.

Seguradong ang maong bata nahadlok pag-ayo ug ang iyang pamilya naguol ug nabalaka pag-ayo. Nahimo siyang ulipon sa banggiitang pangulo sa kasundalohan nga si Naaman ug sa asawa niini. Seguradong naningkamot pag-ayo ang maong bata nga maka-adjust sa iyang bag-ong kinabuhi. Namatikdan tingali niya nga naguol pag-ayo ang mga tawo sa panimalay ni Naaman. Tungod na kay si Naaman nag-antos sa usa ka grabeng sakit nga gitawag ug sanla. Kini nga sakit magpatunghag grabeng mga samad sa lawas, ug usahay dili na ni maulian.

Buotan kaayo ang maong batang babaye. Nahibalo siya nga si Naaman kaaway sa Israel, pero naluoy siya kaniya ug sa asawa niini. Nahibalo siya nga naa pay paagi nga maayo si Naaman. Tingali gisultihan siya sa iyang mga ginikanan bahin sa talagsaong mga nahimo ni propetang Eliseo tungod sa tabang ni Jehova. Pero wala siya mahibalo kon diha na bay naayo nga sanlahon si Eliseo. Bisan pa niana, segurado ang maong batang babaye nga ang iyang Diyos nga si Jehova makahatag ug gahom sa propeta sa Diyos sa pagtabang kang Naaman.

Sultihan kaha niya ang iyang agalon bahin kang Jehova? Nahibalo siya nga peligroso na. Si Naaman nagsimba sa diyos sa Sirya nga si Rimon, ug kanunay niyang ginadala ang hari sa Sirya sa templo ni Rimon aron mosimba didto. Nagtuo ang mga Siryanhon nga ang maong diyos may gahom sa pagpatunghag bagyo ug dalugdog. Unsa kahay reaksiyon ni Naaman kon sultihan siya sa maong batang babaye bahin sa Diyos niini nga si Jehova? Mainsulto kaha si Naaman nga si Jehova dunay mahimo nga dili mahimo ni Rimon? Ang batang babaye seguradong nag-ampo kang Jehova alang sa kaisog. Dayon iyang gisultihan ang asawa ni Naaman: “Kon moadto lang unta ang akong ginoo sa propeta sa Samaria! Iya gyong ayohon ang iyang sanla.”

Mao ra ni ang iyang mga pulong nga nasulat sa Bibliya. Simple ra ni nga mga pulong pero talagsaon kaayo ang epekto niini. Sa sunod nga bersikulo, atong mabasa nga giadto ni Naaman ang iyang hari nga si Ben-hadad aron sultihan kini sa giingon sa batang babaye. Dayon gisugo sa hari si Naaman nga moadto sa Israel dala ang sulat sa hari para kang Haring Jehoram. Sa maong sulat, gihangyo ni Ben-hadad si Jehoram nga ayohon ang sanla ni Naaman.

Paglakaw ni Naaman, ang iyang panimalay nabalaka ug naghunahuna kon maulian ba kaha siya. Segurado nga ang maong batang babaye nagsige gyog ampo. Iyang gihangyo ang Diyos nga ayohon si Naaman ug ipakita kaniya nga si Jehova lang ang matuod nga Diyos. Milabay ang daghang adlaw, ug tingali miabot pa tog mga semana. Sa kataposan, nakauli ra gyod si Naaman. Imadyina kon unsa ka eksayted ang iyang panimalay sa dihang ila siyang nakita. Ang iyang panit, nga sa una nalukop ug samad, karon hinlo ug hamis na samag panit sa bata. Naayo na siya!

Seguradong naminaw pag-ayo ang batang babaye sa giasoy sa iyang agalon bahin sa nahitabo. Dihang nakaabot si Naaman sa balay ni Eliseo, gipaadtoan siya ni Eliseo ug mensahero aron hatagag mga instruksiyon nga misulay sa iyang pagkamapainubsanon ug nakapasuko niya. Dayon, gikombinsir siya sa iyang mga alagad nga sundon ang simpleng mga instruksiyon sa propeta. Human siya molusbog ug pito ka beses sa Suba sa Jordan, siya naayo. Pero ang nahitabo human maayo si Naaman mao gyod ang nakapalipay sa batang babaye: Si Naaman parehas na niya nga nagsimba kang Jehova nga Diyos!

Kanang tanan nahitabo tungod kay ang batang babaye nagmaisogon ug misulti bahin sa iyang Diyos ug sa propeta ni Jehova. Tinuod, wala ta mahibalo sa iyang ngalan, pero nahibalo ana si Jehova. Kon atong sundogon ang kaisog sa maong bata, ato siyang makita sa bag-ong kalibotan dihang banhawon na siya ni Jehova. Imadyina kon unsa ka eksayting nga mahimamat siya, mailaila siya, ug maminaw kaniya samtang iyang iasoy ang uban pang nahitabo sa iyang kinabuhi!

Basaha ang asoy sa Bibliya:

• 2 Hari 5:1-19

Pakighisgot:

Sa unsang mga paagi nga ang batang Israelinhong babaye nagpakitag kaisog?

Tun-ig Dugang

1. 1. Ngano kahang ang batang babaye nahadlok sa mga Siryanhon ug nakurat sa ilang ginahimo? (w96 5/15 8 ¶3) A

   Imong tubag

   

   Courtesy of Musée du Louvre, Paris

2. 2. Unsay epekto sa sanla diha sa usa ka tawo? (it “Sanla” ¶3-5)

   Imong tubag

3. 3. Nganong wala dawata ni Eliseo ang gasa ni Naaman? (w05 8/1 9 ¶2)

   Imong tubag

4. 4. Nganong wala magduhaduha si Eliseo nga pasayloon ni Jehova si Naaman sa pagyukbo sa diyos nga si Rimon? (2 Hari 5:18, 19; w05 8/1 9 ¶3) B

   Imong tubag

   

Hunahunaa ang mga Leksiyon

• Si Naaman maoy usa ka pangulo sa kasundalohan sa Sirya nga miatake sa Israel. Pero giayo siya ni Jehova. Unsay imong makat-onan niini bahin sa kaluoy ug pagkadili-mapihigon ni Jehova? C

  Imong tubag

  

• Sa unsang paagi ang ehemplo sa batang Israelinhong babaye magdasig nimo nga mosangyaw bisan pag nahadlok ka?

  Imong tubag

• Sa unsa pang mga paagi masundog nimo ang kaisog sa batang Israelinhong babaye?

  Imong tubag

Pamalandonga Kini

• Unsay akong nakat-onan bahin kang Jehova niini nga asoy?

  Imong tubag

• Sa unsang paagi kini nga asoy konektado sa mga katuyoan ni Jehova?

  Imong tubag

• Unsay akong ipangutana sa batang Israelinhong babaye dihang banhawon na siya?a

  Imong tubag

Pagkat-og Dugang

Wala nganli ang batang babaye diha sa Bibliya. Nagpasabot ba na nga dili siya importante kang Jehova?

“Nganong Wala Nganli ang Pipila ka Karakter sa Bibliya?” (w13 8/1 10)

Sayra kon unsaon pagsundog sa mga batan-on ang pagkamaisogon sa batang Israelinhong babaye.

Tabangan Ka ni Jehova nga Dili Mahadlok (11:59)