Sundoga si Manaen—Himoang Prayoridad ang Pag-alagad Kang Jehova

Si Manaen usa sa mga nanguna sa unang siglong kongregasyon sa Antioquia. Siya “naedukar uban ni Herodes nga magmamando sa distrito.” (Buh. 13:1) Maong makaingon ta nga dili bastabasta ang iyang nadawat nga edukasyon ug tingali nagdako siya sa arangan nga pamilya.

Pero bisan pa ana, gipili ni Manaen nga mahimong Kristohanon ug suportahan ang kongregasyon. Wala niya gamita ang iyang edukasyon o ang iyang koneksiyon sa mga magmamando aron mahimong dato o sikat. Hinuon, gialagaran niya ang mga igsoon.

Ang ehemplo ni Manaen nagpakita nga mas importante ang pag-alagad kang Jehova kay sa pagkahimong dato o sikat niining kalibotana. Sama kang Manaen, angay natong himoong prayoridad ang atong espirituwal nga mga kalihokan. (Mat. 6:33) Ug bisag importante para nato ang edukasyon, atong ‘giseguro ang mas importanteng mga butang.’ Wala nato tugoti nga ang ubang mga kalihokan makawala sa atong pokus sa pag-alagad kang Jehova.—Filip. 1:​9, 10.