Eskedyul sa Tigom sa Pag-alagad

MATIKDI: Ang Atong Ministeryo sa Gingharian mag-eskedyul ug Tigom sa Pag-alagad matag semana panahon sa mga bulan sa kombensiyon. Ang mga kongregasyon mohimo tingalig mga pagpasibo sumala sa gikinahanglan aron makatambong sa “Giniyahan sa Espiritu sa Diyos” nga Distritong Kombensiyon. Kon nahiangay, gamita ang 15 minutos sa kataposang Tigom sa Pag-alagad sa dili pa motambong sa kombensiyon aron repasohon ang tambag ug mga pahinumdom gikan sa pasukip sa Ministeryo niining bulana nga mapadapat sa inyong kongregasyon. Usa o duha ka bulan human sa inyong kombensiyon, paggahin ug 15 ngadto sa 20 minutos sa Tigom sa Pag-alagad (tingali gamiton ang bahin sa lokal nga mga panginahanglan) aron repasohon ang pangunang mga punto sa kombensiyon nga nakita sa mga magmamantala nga mapuslanon diha sa ministeryo. Dumalahon sa magtatan-aw sa pag-alagad kini nga repaso.

Semana sa Oktubre 13

Awit 174

10 min: Lokal nga mga pahibalo. Hisgoti ang mga kahikayan sa inyong kongregasyon alang sa espesyal nga pagpanagtag ug tract nga magsugod sa Oktubre 20, ug dasiga ang tanan sa pagkuha ug suplay sa tract kon wala pa sila niana. Repasoha sa mubo ang gisugyot nga mga presentasyon sa Oktubre 1 nga Bantayanang Torre ug sa Oktubre nga Pagmata! nga makita sa panid 8. Sanglit daghang magmamantala ang nakatanyag na niining mga magasina sa pipila ka semana, ipaasoy kanila ang ilang kasinatian sa pagtanyag.

35 min: “Bag-ong Kahikayan sa Tigom sa Kongregasyon.”a Segun sa itugot sa panahon, basaha ang gisitar nga mga teksto ug dapita ang mamiminaw sa pagkomento niana.

Awit 216

Semana sa Oktubre 20

Awit 113

5 min: Lokal nga mga pahibalo. Piniling mga Pahibalo gikan sa Atong Ministeryo sa Gingharian.

30 min: “Usa ka Malipayong Okasyon sa Espirituwal nga Bangkete.”b Dumalahon sa sekretaryo sa kongregasyon. Hisgoti kon asa ug kanus-a ipahigayon ang inyong kombensiyon. Repasoha ang kahon nga “Mga Pahinumdom sa Distritong Kombensiyon.”

10 min: Pangandam sa Pagtanyag sa Nobyembre 1 nga Bantayanang Torre ug sa Nobyembre nga Pagmata! Human sa imong mubong pagsumaryo sa mga magasin, pangutan-a ang mamiminaw kon unsa nga mga artikulo ang makapainteres sa mga tawo sa inyong teritoryo ug kon nganong kana makapainteres. Pangutan-a ang mamiminaw kon unsang haom nga pangutana ang ilang gamiton aron masugdan ang panaghisgot, ug kon unsa nga teksto gikan sa artikulo ang ilang gamiton sa dili pa nila itanyag ang mga magasin. Taposa pinaagi sa pagpasundayag kon sa unsang paagi itanyag kining duha ka magasin ginamit ang gisugyot nga mga presentasyon sa panid 8.

Awit 148

Semana sa Oktubre 27

Awit 30

5 min: Lokal nga mga pahibalo. Basaha ang taho sa kuwenta ug ang pasalamat sa donasyon.

10 min: Lokal nga mga panginahanglan.

30 min: “Ang Pagtuon sa Bibliya sa Personal ug sa Pamilya Mahinungdanon!”c Segun sa itugot sa panahon, basaha ang gisitar nga mga teksto ug dapita ang mamiminaw sa pagkomento niana.

Awit 142

Semana sa Nobyembre 3

Awit 100

15 min: Lokal nga mga pahibalo. Pahinumdomi ang mga magmamantala sa paghatag sa ilang mga taho sa pag-alagad sa kanataran sa Oktubre. Hisgoti usab uban sa mamiminaw ang “Pangutana” sa panid 3.

15 min: Pabiling Magmalipayon Diha sa Ministeryo. Makapadasig nga pakigpulong nga ipasukad sa parapo 11-17 sa panid 24-25 sa Hulyo 1, 2005 nga Bantayanang Torre. Interbiyoha ang usa o duha ka igsoon nga matinumanong nag-alagad kang Jehova sulod sa taas na nga panahon. Nganong pabilin man silang nagmalipayon bisan pag daghan ang wala mosanong?

15 min: Pauswaga ang Imong “Arte sa Pagpanudlo.” Ang magtatan-aw sa pag-alagad o laing kuwalipikadong ansiyano maghisgot sa mubo sa lima ka butang nga nalangkit sa epektibong pagpanudlo sumala sa gihisgotan sa Enero 15, 2008 nga Bantayanang Torre, panid 9-12, parapo 5-18. Interbiyoha ang usa o duha ka magmamantala kon sa unsang paagi kining impormasyona nakatabang kanila sa pagpauswag sa ilang katakos sa pagpanudlo.

Awit 91

[Mga footnote]