Eskedyul sa Tigom sa Pag-alagad
Semana sa Septiyembre 8
10 min: Lokal nga mga pahibalo. Pangandam sa pagtanyag sa bag-ong mga magasin. Gamita ang mga sugyot sa panid 4 sa pagpasundayag kon unsaon pagtanyag ang Septiyembre 1 nga Bantayanang Torre ug ang Septiyembre nga Pagmata!
15 min: Tabangi ang mga Gitun-an sa Bibliya nga Mahimong mga Magtutudlo. Pakigpulong nga gipasukad sa Enero 15, 2007 nga Bantayanang Torre, panid 29-30, parapo 14-20.
20 min: Kon Unsaon Pagsagubang ang Pagkamapihigon Diha sa Atong Ministeryo. Pakigpulong sa ansiyano nga gipasukad sa gipatik nga mga impormasyon kon sa unsang paagi ang pagkamapihigon mahimong makaapektar sa atong ministeryo. Isaysay kon sa unsang paagi mahimong buntogon kana. Usahay ang ato mismong panggawi dakog ikatabang sa pagbuntog sa pagkamapihigon sa mga tawo ug sa ingon matabangan sila nga mas madinawaton sa kamatuoran. Busa hinungdanon gayod nga atong bantayan kanunay ang atong sinultihan ug panggawi. (1 Ped. 2:12; 3:1, 2) Dapita ang mamiminaw sa pagpaambit sa ilang mga kasinatian kon giunsa nila pagbuntog ang pagkamapihigon.
Semana sa Septiyembre 15
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian.
20 min: Unsay Atong Nahimo sa Miaging Tuig? Pakigpulong ug panaghisgot uban sa mamiminaw nga dumalahon sa magtatan-aw sa pag-alagad. Repasoha ang nahimo sa kongregasyon sa miaging tuig sa pag-alagad, nga magpasiugda sa maayong mga butang nga nalampos ug dayega kini. Paghisgot ug usa o duha ka punto nga mahimong pauswagon sa kongregasyon sa umaabot nga tuig sa pag-alagad, ug paghatag ug mapuslanong mga sugyot kon sa unsang paagi mahimo kana.
15 min: Sa Unsang Paagi Akong Malabanan ang Akong Pagtuo Bahin sa Paglalang? Pakigpulong nga gipasukad sa Septiyembre 2006 nga Pagmata!, panid 26-28. Dapita ang mamiminaw sa pagkomento kon sa unsang paagi ilang gilabanan ang ilang pagtuo bahin sa paglalang diha sa eskuylahan, trabahoan, o sa bisan asa.
Semana sa Septiyembre 22
10 min: Lokal nga mga pahibalo. Basaha ang taho sa kuwenta ug ang pasalamat sa donasyon. Hisgoti ang sulat sa sanga diha sa panid 1.
20 min: Adunay Ganti Alang sa Imong Binuhatan. Pakigpulong nga gipasukad sa Abril 15, 2005 nga Bantayanang Torre, gikan sa panid 28, parapo 6, hangtod sa kataposan sa panid 29.
15 min: Pangandam sa Pagtanyag sa Oktubre 1 nga Bantayanang Torre ug sa Oktubre nga Pagmata! Gamita ang sugyot nga mga presentasyon sa panid 4 sa pagpasundayag kon unsaon pagtanyag ang matag magasin.
Semana sa Septiyembre 29
10 min: Lokal nga mga pahibalo. Pahinumdomi ang mga magmamantala sa paghatag sa ilang mga taho sa pag-alagad sa kanataran sa Septiyembre.
15 min: Lokal nga mga panginahanglan.
20 min: “Espesyal nga Kampanya sa Tract Oktubre 20–Nobyembre 16!”a Kon mabatonan na ang mga tract, hatagig tagsa ka kopya ang mamiminaw. Repasoha kadiyot ang kaundan niana sa dihang hisgotan ang parapo 2. Ipasundayag kon unsaon pagtanyag ang tract dihang hisgotan ang parapo 4. Dihang hisgotan ang parapo 5, ipasundayag sa usa ka magmamantala ang paggamit ug tract sa pagsugod ug usa ka pagtuon sa Bibliya dihang siya mobalikduaw.
Semana sa Oktubre 6
10 min: Lokal nga mga pahibalo.
15 min: “Pangutana.” Panaghisgot uban sa mamiminaw. Ilakip ang mga komento sa Hunyo 15, 2005 nga Bantayanang Torre, panid 20-22, parapo 10-16.
20 min: “Tudloi ang Uban sa Paghigugma Kang Jehova.”b Segun sa itugot sa oras, dapita ang mamiminaw sa pagkomento sa gisitar nga mga teksto.
[Mga footnote]
a Limitahe ang pasiunang mga komento nga dili mosobrag usa ka minuto, ug isunod ang pangutanag-tubag nga panaghisgot.
b Limitahe ang pasiunang mga komento nga dili mosobrag usa ka minuto, ug isunod ang pangutanag-tubag nga panaghisgot.