Eskedyul sa Tigom sa Pag-alagad
Semana sa Agosto 11
10 min: Lokal nga mga pahibalo. Pakomentoha ang mamiminaw kon unsa nga mga artikulo ang makapainteres sa mga tawo sa inyong teritoryo ug kon unsang mga punto diha sa artikulo ang ilang gamiton. Unsang pangutanaha ang mahimong isukna aron masugdan ang panag-estoryahay? Unsang teksto diha sa artikulo ang mahimong basahon? Ipasundayag kon sa unsang paagi magamit ang gisugyot nga mga presentasyon.
15 min: Pagbuhat sa Kabubut-on sa Diyos nga Walay Kabaldahan. Pakigpulong nga gipasukad sa librong “Umari Ka, Mahimong Akong Sumusunod,” panid 93-94, parapo 12-13.
20 min: “Imo Bang Gigamit ang Tanang Bahin Niini?” Interbiyoha ang usa ka magmamantala bahin sa iyang kasinatian sa paggamit sa usa sa bag-ong mga seksiyon sa edisyon sa Bantayanang Torre alang sa publiko. Mahimong ipasundayag ang iyang kasinatian. Pinasukad sa parapo 2, ipasundayag usab kon unsaon pagsugod ug pagtuon pinaagi sa paggamit sa artikulong “Kon Unsay Atong Makat-onan Kang Jesus,” sa Agosto 1 nga Bantayanang Torre.
Semana sa Agosto 18
10 min: Lokal nga mga pahibalo. Piniling mga Pahibalo gikan sa Atong Ministeryo sa Gingharian. Pahinumdomi ang mga igsoon sa pagdala sa Septiyembre 1 nga Bantayanang Torre ug Septiyembre nga Pagmata! sa Tigom sa Pag-alagad sa sunod semana ug sa pag-andam ug mga presentasyon nga haom sa inyong teritoryo.
15 min: Ang Atong Pamesti ug Pamostura Nagpasidungog Kang Jehova. Pakigpulong sa usa ka ansiyano. Tungod kay si Jehova balaan nga Diyos, hinungdanon gayod nga magmahinlo ang iyang katawhan sa pisikal. (Ex. 30:17-21; 40:30-32) Kon desente ang atong pamesti ug pamostura ilabina diha sa ministeryo, atong mapahimut-an ug mahimaya si Jehova. (1 Ped. 2:12) Sa laing bahin, kon mapakyas kita sa pagbuhat niana ‘ang pulong sa Diyos mapasipalahan.’ (Tito 2:5) Pag-asoy ug mga kasinatian sa inyong kongregasyon o diha sa mga publikasyon nga nagpakita kon sa unsang paagi nakahatag ug maayong pamatuod ang desenteng hitsura sa usa ka magmamantala.
20 min: ‘Sunda Pag-ayo ang Iyang mga Tunob.’a Segun sa itugot sa panahon, dapita ang mamiminaw sa pagkomento sa gisitar nga mga teksto.
Semana sa Agosto 25
10 min: Lokal nga mga pahibalo. Basaha ang taho sa kuwenta ug ang pasalamat sa donasyon.
15 min: Lokal nga panginahanglan.
20 min: Pangandam sa Pagtanyag sa Septiyembre 1 nga Bantayanang Torre ug sa Septiyembre nga Pagmata! Pakighisgot uban sa mamiminaw. Paghatag ug mubong sumaryo sa mga magasin ug pangutan-a sila kon unsang mga artikulo ang makapainteres sa mga tawo sa inyong teritoryo. Unsang pangutana ug teksto ang ilang gamiton sa pagpresentar niini? Ipasundayag kon unsaon kini pagtanyag gamit ang mga presentasyon sa Atong Ministeryo sa Gingharian. Hangyoa ang usa ka ansiyano nga ipasundayag sa mubo ang iyang giandam nga presentasyon nga haom sa teritoryo.
Semana sa Septiyembre 1
10 min: Lokal nga mga pahibalo. Pahinumdomi ang mga magmamantala sa paghatag sa ilang mga taho sa pag-alagad sa kanataran sa Agosto.
20 min: Nahilain Apan Wala Makalimti. Pakigpulong nga gipasukad sa Abril 15, 2008, nga Bantayanang Torre, panid 25-28. Isulti ang ngalan sa mga igsoon sa kongregasyon nga nagpuyo sa puy-anan sa mga tigulang (nursing home) sa inyong dapit. Kon wala, gamita ang mga prinsipyo diha sa artikulo sa pagdasig sa kongregasyon sa pagtabang niadtong mga maluyahon o niadtong nalisdan sa pagpakigbahin sa kalihokan sa kongregasyon.
15 min: Sugdi ang Pagtuon sa Bibliya sa Unang Pagduaw sa Septiyembre. Pakighisgot uban sa mamiminaw. Sa Septiyembre itanyag nato ang librong Gitudlo sa Bibliya ug paningkamot nga makahisgot kag pipila ka parapo sa tagbalay sa unang pagduaw. Repasoha ang mga sugyot sa pasukip sa Enero 2006 nga Atong Ministeryo sa Gingharian. Paghikay ug usa o duha ka pasundayag kon sa unsang paagi makasugod ug pagtuon sa Bibliya sa unang pagduaw.
[Footnote]
a Limitahe ang pasiunang mga komento nga dili mosobrag usa ka minuto, ug isunod ang pangutanag-tubag nga panaghisgot.