Mga Pahibalo

◼ Tanyag nga literatura sa Abril ug Mayo: Ang edisyon para sa publiko nga Ang Bantayanang Torre uban sa Pagmata! Sa dihang magbalikduaw sa mga interesado, paningkamoti nga makasugod ug mga pagtuon sa Bibliya ginamit ang librong Gitudlo sa Bibliya. Hunyo: Unsay Tinuod nga Gitudlo sa Bibliya? Paningkamoti nga makasugod ug mga pagtuon sa Bibliya. Hulyo ug Agosto: Mahimong itanyag ang lainlaing brosyur.

◼ Ang mga tomo sa 2007 Watchtower ug Awake! hapit nang mabatonan ug mahimo nang orderon karon sa sangang buhatan. Hinumdomi nga kini maoy special request nga mga publikasyon ug angay lang orderon kon adunay tino nga order gikan sa mga magmamantala. Kon wala pa ang mga tomo sa dihang madawat ang inyong mga order, kini ipakita ingong “back-ordered” ug ang mga tomo ipadala dayon namo kon madawat na kini gikan sa sanga nga nag-imprenta niini.

◼ Ang mga sekretaryo sa kongregasyon angayng maghupot ug igong suplay sa mga pormang Application for Regular Pioneer Service (S-205) ug Application for Auxiliary Pioneer Service (S-205b). Kini mahimong orderon ginamit ang Literature Request Form (S-14). Paghupot ug labing menos usa ka tuig nga suplay.

◼ Ang sangang buhatan kinahanglang maghupot ug hustong rekord sa mga adres ug mga numero sa telepono sa tanang nagadumalang mga magtatan-aw ug mga sekretaryo. Kon adunay kausaban niini sa bisan unsang panahon, ang Komite sa Pag-alagad sa Kongregasyon angayng magpil-ap, magpirma ug magpadala dayon sa pormang Presiding Overseer/Secretary Change of Address (S-29) ngadto sa sangang buhatan. Kini naglakip sa bisan unsang kausaban sa mga area code sa telepono.

◼ Kon aduna kamoy plano nga motambong sa mga tigom sa kongregasyon, asembliya, o distritong kombensiyon sa laing nasod, ang inyong hangyo bahin sa mga petsa, oras, ug mga dapit kinahanglang ipadala ngadto sa sangang buhatan nga nagadumala sa buluhaton sa maong nasod. Ang mga adres sa mga sangang buhatan nalista sa kataposang panid sa bag-ong Tinuig nga Basahon.