Eskedyul sa Tigom sa Pag-alagad
Semana sa Abril 14
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Ginamit ang mga sugyot sa panid 4 o ang laing mga presentasyon nga haom sa inyong teritoryo, ipasundayag kon unsaon pagtanyag ang Abril 1 nga Bantayanang Torre ug ang Abril nga Pagmata!
15 min: “Magmapasalamaton Kamo.”a Segun sa itugot sa panahon, dapita ang mamiminaw sa pagkomento sa gisitar nga mga teksto.
20 min: “Ilang Gipalambo ang Ilang Kinabuhi—Makahimo Ka ba Usab Niana?” Pakigpulong sa magtatan-aw sa pag-alagad nga gipasukad sa artikulo sa Enero 15, 2008 nga Bantayanang Torre, panid 17-19. Ipadapat ang mga puntong gihisgotan sa kahimtang sa inyong kongregasyon aron seryosong makonsiderar sa mga igsoon kon mapayano ba nila ang ilang kinabuhi aron mapahimuslan ang dugang mga panalangin. Kon itugot sa panahon, interbiyoha ang usa ka brader o sister nga nagpayano sa iyang kinabuhi ug karon usa na ka payunir.
Semana sa Abril 21
10 min: Lokal nga mga pahibalo. Basaha ang taho sa kuwenta ug ang pasalamat sa donasyon. Pahinumdomi ang mamiminaw sa pagdala sa Mayo 1 nga Bantayanang Torre ug Mayo nga Pagmata! alang sa Tigom sa Pag-alagad sa sunod semana ug magmaandam sa pagpaambit ug haom nga mga presentasyon alang sa lokal nga teritoryo.
15 min: Lokal nga mga panginahanglan.
20 min: “Hupaya ang mga Nagbangotan.”b Dapita ang mamiminaw sa pag-asoy sa ilang talagsaong mga kasinatian sa paghupay sa usa nga namatyan.
Semana sa Abril 28
10 min: Lokal nga mga pahibalo. Pahinumdomi ang mga magmamantala sa paghatag sa ilang mga taho sa pag-alagad sa kanataran sa Abril. Ginamit ang Mayo 1 nga Bantayanang Torre ug Mayo nga Pagmata! paghatag ug mubo nga sumaryo sa matag isyu ug pangutan-a ang mamiminaw kon haing artikuloha ang ilabinang makapainteres sa mga tawo sa teritoryo ug kon ngano. Dapita ang mamiminaw sa pagsugyot ug mga presentasyon ginamit ang mga artikulong buot nilang ipasiugda. Unsang pangutana ang ikasukna aron masugdan ang panaghisgot? Unsang teksto diha sa artikulo ang mahimong basahon? Sa unsang paagi magamit ang maong teksto sa pagtubag sa pangutana? Ginamit ang presentasyon nga gisugyot sa mamiminaw o ang sampol nga mga presentasyon sa Atong Ministeryo sa Gingharian, ipasundayag kon sa unsang paagi mahimong itanyag ang matag magasin.
15 min: Ang Pag-oksilyare Payunir Magdalag mga Panalangin. (Prov. 10:22) Dapita ang mga nag-oksilyare payunir sa miaging mga bulan sa pag-asoy kon giunsa nila kana paghimo ug unsang mga kalipay ug panalangin ang ilang nasinati. Dasiga ang tanan nga mainampoong planohon ang pag-oksilyare payunir sa Mayo, samtang kadtong nag-oksilyare payunir na mahimong makapadayon ingong mga regular payunir.
20 min: “Palig-ona ang Inyong Pamilya Pinaagig Makapahimuot nga mga Pulong.” Pakigpulong sa usa ka pamilyadong ansiyano nga gipasukad sa artikulo sa Enero 1, 2008 nga Bantayanang Torre, panid 10-12.
Semana sa Mayo 5
10 min: Lokal nga mga pahibalo.
15 min: Si Jehova Dili Gayod Mobiya Kanimo. Makapadasig nga pakigpulong nga gipasukad sa Oktubre 15, 2005, nga Bantayanang Torre, panid 8-11.
20 min: “Magmauswagon Diha sa Pagsangyaw.”c Sa dihang hisgotan ang parapo 3, ilakip ang mga komento sa librong Tunghaan sa Ministeryo, panid 6-8, ubos sa sub-ulohang “Kon Unsaon Pagpahimulos sa Bug-os.”
[Mga footnote]
a Limitahe ang pasiunang mga komento nga dili mosobrag usa ka minuto, ug isunod ang pangutanag-tubag nga panaghisgot.
b Limitahe ang pasiunang mga komento nga dili mosobrag usa ka minuto, ug isunod ang pangutanag-tubag nga panaghisgot.
c Limitahe ang pasiunang mga komento nga dili mosobrag usa ka minuto, ug isunod ang pangutanag-tubag nga panaghisgot.