Eskedyul sa Tigom sa Pag-alagad
Semana sa Septiyembre 10
10 min: Lokal nga mga pahibalo. Ginamit ang mga sugyot sa panid 4 o ang uban pang mga presentasyon nga haom sa inyong teritoryo, ipasundayag kon unsaon pagtanyag ang Septiyembre 15 nga Bantayanang Torre ug ang Septiyembre nga Pagmata! Sa matag pasundayag, kining duha gayod ka magasin ang itanyag bisag usa ka magasin lang ang ipasiugda.
15 min: ‘Paghimog mga Higala Pinaagi sa Dili-Matarong nga mga Bahandi.’ Pakigpulong sa usa ka ansiyano nga gipasukad sa Disyembre 1, 1994 nga Bantayanang Torre, panid 13-18.
20 min: “Sunda ang Panig-ingnan ni Jesus.”a Dapita ang mamiminaw sa pag-asoy kon sa unsang paagi sila nakabenepisyo gikan sa maayong panig-ingnan sa uban.
Awit 130 ug paniklop nga pag-ampo.
Semana sa Septiyembre 17
10 min: Lokal nga mga pahibalo.
15 min: Unsay Atong Nahimo sa Miaging Tuig? Repasohon sa magtatan-aw sa pag-alagad ang miaging tuig sa pag-alagad, nga magpasiugda sa makapadasig nga mga butang nga nalampos diha sa ministeryo. Paghatag ug nahiangayng komendasyon. Paghisgot ug usa o duha ka bahin nga kinahanglang hatagag pagtagad sulod sa bag-ong tuig sa pag-alagad. Komentohi ang kalihokan sa mga payunir, nga magdayeg sa ilang kasibot ug kakugi sa pag-alagad. Iasoy ang maayong mga resulta sa mga paningkamot nga matabangan ang mga di-aktibo.
20 min: Nahiusang Kapunongan. Pakigpulong ug panaghisgot uban sa mamiminaw nga gipasukad sa kapitulo 16 sa Organisado Aron Buhaton ang Kabubut-on ni Jehova.
Awit 74 ug paniklop nga pag-ampo.
Semana sa Septiyembre 24
10 min: Lokal nga mga pahibalo. Basaha ang taho sa kuwenta ug ang pasalamat sa donasyon.
15 min: Lokal nga mga panginahanglan.
20 min: Gamita ang Tract nga Kahibalo Bahin sa Bibliya sa Pagsugod ug mga Pagtuon sa Bibliya sa Oktubre. Ang tanyag sa Oktubre mao ang mga magasing Bantayanang Torre ug Pagmata! Kon interesado ang tagbalay, mahimong gamiton ang tract nga Kahibalo Bahin sa Bibliya sa pagsugod ug usa ka pagtuon sa Bibliya. Hisgoti kadiyot ang tract human makaapod-apod ang mga atendant ug tagsa ka kopya sa tanang nanambong. Ipatin-aw nga mahimong hisgotan ang tibuok tract o ang bahin lang niini uban sa tagbalay sa unang duaw o kaha sa pagbalikduaw. Ginamit ang mga sugyot sa panid 4 o ang uban pang mga presentasyon nga haom sa inyong teritoryo, ipasundayag kon unsaon pagtanyag ang Oktubre 1 nga Bantayanang Torre ug ang Oktubre nga Pagmata! Sa unang pasundayag, hatagag tract sa magmamantala ang tagbalay sa dihang wala niya dawata ang mga magasin. Sa ikaduhang pasundayag, human dawata sa tagbalay ang mga magasin, ang magmamantala mohatag kaniyag tract, ug iyang hisgotan ang panid 5 uban kaniya, ug itudlo niya ang kupon alang sa brosyur nga Gikinahanglan diha sa panid 6, ug moingon nga mobalik siya dala ang maong brosyur.
Awit 222 ug paniklop nga pag-ampo.
Semana sa Oktubre 1
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Pahinumdomi ang mga magmamantala sa paghatag sa ilang mga taho sa pag-alagad sa kanataran sa Septiyembre.
15 min: Sulat Gikan sa Sangang Buhatan. Pakigpulong ug panaghisgot uban sa mamiminaw nga gipasukad sa sulat nga makita sa atubangang panid niining gulaa sa Atong Ministeryo sa Gingharian. Dapita ang mamiminaw sa pag-asoy ug bisan unsang lokal nga mga kasinatian panahon sa espesyal nga mga kampanya o sa paggamit sa librong Gitudlo sa Bibliya.
20 min: “Maningkamot Kita sa Pagpauswag sa Atong Ministeryo.”b Ilakip ang mga komento sa mga igsoong lalaki ug babaye nga naningkamot sa pagpauswag sa ilang ministeryo, ug ipasaysay kanila kon sa unsang paagi sila padayong nangitag mga paagi sa paghimo niana. Mahimong iasayn daan sa usa o duha ka igsoon ang pagkomento.
Awit 102 ug paniklop nga pag-ampo.
[Mga footnote]
a Limitahe ang pasiunang mga komento nga dili mosobrag usa ka minuto, ug isunod ang pangutanag-tubag nga panaghisgot.
b Limitahe ang pasiunang mga komento nga dili mosobrag usa ka minuto, ug isunod ang pangutanag-tubag nga panaghisgot.