Eskedyul sa Tigom sa Pag-alagad
Semana sa Enero 14
15 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Hisgoti ang kahon nga “Bag-ong mga Korporasyon Giporma.” Lain pa, ang “Bag-ong Programa sa Adlawng Espesyal nga Asembliya.” Ipahibalo ang petsa sa sunod nga adlawng espesyal nga asembliya, ug agdaha ang tanan sa pagtambong sa enterong programa. Dasiga ang mga magmamantala sa pagdapit sa bag-ong mga interesado ug mga estudyante sa Bibliya.
20 min: Pagkuhag Kaayohan Gikan sa Mahigugmaong mga Tagana. Hisgotan sa takos nga ansiyano ang kabililhon sa pagpil-ap sa Advance Medical Directive/Release nga kard. Ang dinasig nga pagtultol sa Salmo 19:7 nagpakita nga ang Buhat 15:28, 29 maoy kapahayagan sa hingpit nga balaod sa Diyos sa Dugo. Kini nga dokumento nagpahayag sa imong determinasyon nga ituboy ang maong balaod ug nagasulti usab alang kanimo sa dihang dili ka na makahimo sa pagsulti sa imong kaugalingon. (Itandi ang Proverbio 22:3.) Human niining tigoma, ang bawtismadong mga Saksi hatagan ug bag-ong kard, ug kadtong di-bawtismadong menor de edad nga mga anak makadawat ug Identity Card alang sa matag bata. Kini nga mga kard dili pil-apan niining gabhiona. Kini kinahanglan nga maampingong pil-apan didto sa balay apan DILI pirmahan. Ang pagpirma, pagsaksi, ug pagpetsa sa tanang kard himoon human sa sunod nga Pagtuon sa Libro sa Kongregasyon, ubos sa pagtultol sa tagdumala sa pagtuon sa libro. Sa dili pa pirmahan, paneguroa nga ang mga kard bug-os nga napil-apan. Kadtong mopirma ingong mga saksi kinahanglang aktuwal nga makakita sa tag-iya sa kard nga mopirma sa dokumento. Pinaagig pagpasibo sa nahisulat gikan niini nga kard ngadto sa ilang kaugalingong mga kahimtang ug mga kombiksiyon, ang di-bawtismadong mga magmamantala mahimong mosulat sa ilang kaugalingong direktiba aron gamiton alang sa ilang kaugalingon ug sa ilang mga anak.
10 min: “Kon Unsay Isulti Labot sa mga Magasin.” Mga pasundayag kon unsaon pagtanyag sa Enero 15 nga Bantayanang Torre ug sa Enero 22 nga Pagmata! Dasiga ang tanang magmamantala nga suportahan ang Adlaw sa Magasin.
Awit 55 ug paniklop nga pag-ampo.
Semana sa Enero 21
10 min: Lokal nga mga pahibalo. Taho sa kuwenta. Hisgoti ang kahon nga “Magagahin” sa panid 5.
13 min: Ginasusi ba Nimo ang Kasulatan sa Adlaw-Adlaw? Panaghisgot sa pamilya. Aron mapauswag ang mga kaayohan sa ilang paghisgot sa teksto sa adlaw-adlaw, ilang hisgotan ang Disyembre 15, 1996, Bantayanang Torre, panid 18, mga parapo 13-14. Sublia sa mubo ang duha o tulo ka teksto sa adlaw nga di pa dugayng gikobrehan, ug ipatin-aw kon sa unsang paagi ang impormasyon mapuslanon kaayo. Ipasiugda nga ang pagsusi sa Kasulatan sa adlaw-adlaw angayng usa ka bahin sa regular nga programa sa pagtuon sa Bibliya sa pamilya nga gidisenyo aron padayon silang aktibo sa espirituwal.
22 min: “Padayong Unaha ang Gingharian.”a Ilakip ang pipila ka pangutana diha sa pangunang mga puntos gikan sa Septiyembre 1, 1998, Bantayanang Torre, mga panid 19-21.
Awit 168 ug paniklop nga pag-ampo.
Semana sa Enero 28
10 min: Lokal nga mga pahibalo. Pahinumdomi ang mga magmamantala sa paghatag sa mga taho sa pag-alagad sa kanataran sa Enero. Ginamit ang mga sugyot sa panid 8, ipasundayag ang duha ka mubong mga presentasyon sa magasin, ang usa naggamit sa Pebrero 1 nga Bantayanang Torre ug ang ikaduha naggamit sa Pebrero 8 nga Pagmata! Hisgoti ang tanyag nga literatura sa Pebrero, nga nagpasiugda sa mga libro nga anaa niana ang kongregasyon.
15 min: “Mga Ginikanan—Bansaya ang Inyong mga Anak Sukad sa Pagkamasuso.”b Ilakip ang mga komento sa Abril 15, 1998, Bantayanang Torre, panid 32. Dapita ang mga ginikanan sa pag-asoy sa maayong mga resulta nga ilang nakab-ot pinaagi sa pagsugod sa espirituwal nga pagbansay sa ilang mga anak sukad sa pagkamasuso.
20 min: “Ugmara ang Imong mga Gahom sa Pagsabot.” Dumalahon sa ansiyano ang madasigong pagsubli sa programa sa adlawng espesyal nga asembliya nga gihimo sulod sa miaging tuig sa 2001.
Awit 202 ug paniklop nga pag-ampo.
Semana sa Pebrero 4
10 min: Lokal nga mga pahibalo.
20 min: ‘Unsaon man Nila Pagkadungog?’c Dapita nga mokomento ang mamiminaw kon sa unsang paagi mapadapat ang mga kasulatan. Ilakip ang mga pangutana alang sa mga parapo 17-18 sa panid 20 diha sa Agosto 15, 1998, Bantayanang Torre.
15 min: “Bag-ong Programa sa Sirkitong Asembliya.” Pakigpulong. Ipahibalo ang petsa sa sunod nga sirkitong asembliya. Ang tanan kinahanglang mohimog linaing paningkamot sa pagdapit sa mga estudyante sa Bibliya. Dasiga ang di-bawtismadong mga magmamantala nga hunahunaon pag-ayo ang maylabot sa pagpasimbolo sa ilang pahinungod kang Jehova sa sunod nga asembliya. Agdaha ang tanan sa pagtambong sa duha ka sesyon kada adlaw.
Awit 224 ug paniklop nga pag-ampo.
[Mga footnote]
a Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
b Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
c Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.