Eskedyul sa Tigom sa Pag-alagad

Semana sa Hunyo 11

Awit 178

10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Dasiga ang tanan sa pagtan-aw sa video nga Jehovah’s Witnesses Stand Firm Against Nazi Assault agig pagpangandam sa panaghisgot diha sa Tigom sa Pag-alagad sa semana sa Hunyo 25.

15 min: “Padayon sa ‘Pagbuhat ug Maayo.’” Usa ka makapadasig nga Kasulatanhong pakigpulong sa ansiyano.

20 min: “Abota ang Kasingkasing sa Imong Estudyante.”a Ilakip ang praktikal nga mga sugyot kon sa unsang paagi matabangan ang mga bag-ohan nga maugmad ang pagtuo ug gugma kang Jehova ug kang Jesus diha sa ilang mga kasingkasing. Gamita ang yawing mga puntos diha sa Hulyo 15, 1999, Bantayanang Torre, panid 14, mga parapo 18-20.

Awit 184 ug paniklop nga pag-ampo.

Semana sa Hunyo 18

Awit 194

5 min: Lokal nga mga pahibalo. Taho sa kuwenta.

10 min: Pagtubag sa Lagmit mga Tigsumpo sa Panaghisgot. Panaghisgot sa mamiminaw. Sublia ang “Komento” sa librong Nangatarongan, mga panid 15-16. Gikan sa mga panid 16-20, pilia ang pipila ka pagsupak nga nahibalag sa inyong teritoryo. Dapita ang mamiminaw sa pag-asoy kon unsang mga tubag ang epektibo kanila ug kon ngano.

30 min: “Makaboluntaryo Ka Ba?” Makapadasig nga pakigpulong nga sal-otan ug mga komento gikan sa mamiminaw agig tubag sa giandam nga mga pangutana diha sa mga parapo 13 ug 18-24. Dasiga ang mga ginikanan nga tabangan ang ilang mga anak nga konsiderahon ang pag-alagad sa Bethel ingong karera. Isugyot nga duyog tun-an sa mga pamilya kini nga pasukip diha sa ilang pagtuon sa pamilya.

Awit 197 ug paniklop nga pag-ampo.

Semana sa Hunyo 25

Awit 2

15 min: Lokal nga mga pahibalo. Sublia ang tanyag nga literatura sa Hulyo ug Agosto. Ipasiugda ang duha ka brosyur nga anaa sa lokal nga estak. Himoa ang naandam-pag-ayong mga pasundayag kon unsaon sa pagtanyag niini diha sa ministeryo. Alang sa gisugyot nga mga presentasyon, tan-awa ang likod nga panid sa Hulyo ug Agosto 1995 hangtod sa 1998 nga mga isyu sa Atong Ministeryo sa Gingharian.

30 min: “Ako Nagmalig-on! Ako Nagmalig-on! Ako Nagmalig-on!” Panaghisgot sa mamiminaw bahin sa video nga Stand Firm, nga gamiton ang mga pangutana sa parapo 2. Dayon hisgoti ang mga parapo 3-4. Tiklopi ginamit ang eksperyensiya diha sa Nobyembre 22, 1999, Pagmata!, panid 31. (Matikdi: Sa mga kongregasyon nga walay magamit niini nga video, ang pakigpulong nga “Sa Dihang Dagaya ang Pagkamahinatagon” mahimong ipahayag, pinasukad sa Nobyembre 1, 1999, Bantayanang Torre, mga panid 20-23.) Sa Agosto atong sublion ang video nga The New World Society in Action.

Awit 29 ug paniklop nga pag-ampo.

Semana sa Hulyo 2

Awit 5

13 min: Lokal nga mga pahibalo. Sublia ang kahon nga “May mga Yearbook ba nga Wala sa Imong Librarya?” Ipaambit ang mubong kinutlong mga eksperyensiya gikan sa mga Yearbook sa 1994, 1995, 1996, o 1997 sa pag-ilustrar sa kahinungdanon sa kaundan niini.

15 min: Mga Batan-on​—Magmaalamon sa Pagpili sa Inyong Karera. Kini ang una sa tulo ka bahin sa Tigom sa Pag-alagad nga magsubli sa Kasulatanhong mga prinsipyo may kalabotan sa dugang edukasyon. Ang pipila ka Kristohanong mga batan-on nangagpas ug sekular nga mga karera pinaagi sa mas taas nga edukasyon, nga nagpahinabog dili maayong epekto sa ilang espirituwalidad. Kini nga bahin maoy panaghisgot tali sa duha ka ginikanan ug ilang tin-edyer nga anak nga lalaki o babaye. Ang batan-on anaa na sa punto diin ang seryosong desisyon kinahanglang himoon bahin sa umaabot nga mga tumong. Bisan tuod ang pipila tingali buot mangagpas sa pinansiyal nga mga kaayohan, dungog, o mga kaharuhay sa kinabuhi, susihon sa pamilya ang Bibliya aron mahibaloan kon unsay girekomendar niini. (Tan-awa ang Gisukna sa mga Batan-on, mga panid 174-5; Ang Bantayanang Torre, Agosto 15, 1997, panid 21, ug Septiyembre 1, 1999, mga panid 19-21, mga parapo 1-3 ug 5-6.) Ang batan-on mouyon nga maalamon ang pagpangagpas sa usa ka kurso sa kinabuhi nga makatabang kaniya sa pagkab-ot sa teokratikanhong mga tumong aron sa pagpalambo sa intereses sa Gingharian.

17 min: “Magmaigmat sa Pagkaplag sa mga Tawong Bungol sa Inyong Teritoryo.”b Kon ang estadistika mabatonan, isulti kon pila ka tawong bungol ang makaplagan diha sa inyong teritoryo sa kongregasyon.

Awit 32 ug paniklop nga pag-ampo.

[Mga footnote]