Mga Tigom sa Pag-alagad Alang sa Abril
Semana sa Abril 5
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Repasoha ang “Ato Bang Ikatanyag ang Librong Creator?” Dapita ang tanang interesado sa pagtambong sa espesyal nga pakigpulong publiko sa Abril 18. Ang pakigpulong nag-ulohan ug “Tinuod nga Panaghigalaay Uban sa Diyos ug sa Silingan.”
15 min: “Maikagong Isangyaw ang Maayong Balita.” Ipailaila ang artikulo nga dili moabot ug usa ka minuto, ug sundan sa pangutanag tubag nga panaghisgot. Tiklopan sa pagdasig nga gipasukad sa Giya sa Tunghaan, mga panid 191-2, mga parapo 12-13.
20 min: “Kon Unsaon nga Magbuliganay ang mga Membro sa Banay Alang sa Bug-os nga Pakig-ambit—Diha sa Ministeryo.” Panaghisgot sa usa ka grupo sa banay. Tagda ang mga katarongan kon nganong kinahanglang lantawon sa banay ang pag-alagad sa kanataran ingong usa ka regular nga senemanang rutina nga ang tanan moapil. Repasoha ang pagdasig nga gihatag sa Septiyembre 1, 1993, Bantayanang Torre, mga panid 17-19, mga parapo 9-12. Dapita ang mga ginikanan sa mga mamiminaw aron moasoy kon sa unsang paagi sila malamposong nag-organisar sa senemanang kalihokan sa pag-alagad alang sa ilang banay.
Awit 67 ug paniklop nga pag-ampo.
Semana sa Abril 12
10 min: Lokal nga mga pahibalo. Taho sa kuwenta.
15 min: Lokal nga mga panginahanglan.
20 min: “Pagpadako sa Pagpamatuod Samtang Nagkaduol ang Kataposan.” Pangutanag tubag. Interbiyoha ang usa o duha ka magmamantala kinsa sa usa ka panahon dili gayod unta makahanduraw nga sila magpakig-ambit sa buluhatong pagsangyaw apan sa pagkakaron regular na nga nagabuhat niana tungod kay sila nakapabili sa dinaliang panginahanglan sa pagpakaylap sa mensahe sa Gingharian. Segun sa itugot sa panahon, ilakip ang mugbong mga kasinatian gikan sa 1997 Yearbook, mga panid 2-8, nga nagpakita kon sa unsang paagi ang mga magmamantala nagpadako sa ilang mga paningkamot sa pagpamatuod pinaagi sa pag-adto diin atua ang mga tawo.
Awit 93 ug paniklop nga pag-ampo.
Semana sa Abril 19
5 min: Lokal nga mga pahibalo.
10 min: “Ikaw ba Adunay Tinong Order sa Magasin?” Usa ka pakigpulong, ilabina pinaagig ansiyano o ministeryal nga alagad nga nagdumala sa mga magasin. Pahibaloa ang kongregasyon sa gidaghanon sa mga magasin nga ginadawat kada bulan ug ang aberids nga gidaghanon nga gitaho ingong napahimutang. Dili gayod nato tugotan nga ang mga magasin dili magamit. Ihatag ang mga sugyot nga nagpakita kon sa unsang paagi ang daandaan nga mga kopya mahimong iapod-apod.—Tan-awa ang Agosto 1993 nga Atong Ministeryo sa Gingharian, panid 1.
30 min: “Ang Pagpayunir—Maalamong Paggamit sa Atong Panahon!” Pangutanag tubag. Magtudlo ug tulo ka lainlaing indibiduwal aron isaysay ang mga kasinatian sa mga parapo 5-7. Tiklopi pinaagig pagdapit sa tanan nga makahimo sa pagtulotimbang sa pag-aplay alang sa oksilyare o regular payunir nga pag-alagad. Ang mga aplikasyon mabatonan gikan ni bisan kinsang membro sa Komite sa Pag-alagad sa Kongregasyon. Isulti nga dili pa ulahi kaayo nga itunol ang aplikasyon sa pag-oksilyare payunir sa Mayo.
Awit 165 ug paniklop nga pag-ampo.
Semana sa Abril 26
10 min: Lokal nga mga pahibalo. Pahinumdomi ang tanan sa pagtunol sa mga taho sa pag-alagad sa kanataran alang sa Abril. Ipahibalo ang mga ngalan niadtong mag-oksilyare payunir sa Mayo, ug dasiga ang uban sa pag-aplay. Ihatag ang pipila ka makatabang nga mga sugyot sa pagtanyag sa bag-ong mga magasin.—Tan-awa ang Oktubre 1996 nga Atong Ministeryo sa Gingharian, panid 8.
17 min: “Unsay Kinahanglang Buhaton Ko?” Human sa mubong repaso sa artikulo uban sa mamiminaw, panid-i ang usa ka tin-edyer nga nakigsulti sa iyang ginikanan bahin sa mga plano alang sa umaabot human mograduwar sa hayskul. Duyog nilang repasohon ang Hulyo 1998 nga Atong Ministeryo sa Gingharian, panid 4. Ang ginikanan motambag nga uyon sa pagdasig nga anaa sa Ang Bantayanang Torre sa Pebrero 1, 1996, panid 14, ug Disyembre 1, 1996, mga panid 17-19. Karon nga ang mga kinahanglanong oras sa payunir gikunhoran, ang tin-edyer nagtulotimbang sa posibilidad sa pagpayunir samtang nagatapos sa sekular nga edukasyon.
18 min: Interbiyoha ang Oksilyare nga mga Payunir. Ang magtatan-aw sa pag-alagad mag-interbiyo ug pipila ka magmamantala nga nag-oksilyare payunir niining bulana maingon man sa uban nga mibuhat sa ingon sa miagi. Dapita sila nga isaysay ang pipila sa mga panalangin nga ilang natagamtam, kon unsay ilang nalampos, ug kon nganong sila nagalantaw sa unahan nga mag-oksilyare payunir pag-usab sa labing menos usa o duha ka bulan sa matag tuig.
Awit 69 ug paniklop nga pag-ampo.