Pagmata!—Kaylap nga Giila

Ang Pagmata! gipatik sa 55 ka pinulongan, ug kini may aberids nga imprenta nga 11,930,000 ka kopya matag isyu. Ang mga magbabasa gikan sa tibuok nga kalibotan nagakalipay niini ug nakabatog kaayohan gikan niini, sumala sa gipadayag sa ilang mga sulat pasalamat. Ang sangang-buhatan sa Watch Tower sa Thailand nakadawat sa mosunod nga hangyo:

“Ang among tunghaan regular nga nagadawat sa magasing Pagmata! [sa Thai], ug among namatikdang ang Septiyembre 8, 1988, nga isyu maoy bahin sa ulohang ‘Mga Ginikanan,’ nga angay basahon sa tanang ginikanan sa mga batang nagatungha. Busa buot namong padad-an ninyo kamig 250-400 ka kopya, kon anaa, aron ipanagtag sa sunod nga tigom sa mga ginikanan ug mga magtutudlo.”

Usa ka babaye nga taga-Roanoke, Virginia, U.S.A., misulat: “Ako usa ka debotadong Baptist . . . , apan ako mipunit sa usa sa inyong mga basahong Pagmata! sa silinganang Laundromat ug nalamdagan kaayo. Nahimuot akong nagbasa niini. Akong ginasukip dinhi ang [$5 nga tseke], aron inyo akong padad-an sa usa ka tuig nga suskrisyon sa Pagmata!”

Among gibati nga ikaw usab makabatog kaayohan ug mahimuot sa makalingawng mga artikulo sa Pagmata!

Palihog ipadala ang usa ka tuig nga suskrisyon sa Pagmata! Gisukip ko ang ₱60 alang sa 24 ka isyu niining magasina (2 ka kopya sa usa ka bulan).