Gikan sa Baba sa Usa ka Bata

ANG mga ginikanan ni Mia, usa ka tres-anyos nga batang babaye, mga membro sa Dutch Reformed Church sa South Africa, nangitag makabantay kang Mia samtang sila nagtrabaho. Ang usa ka Saksi andam apan misulti sa mga ginikanan nga matag adlaw iyang tudloan ang iyang kaugalingong mga anak sa Bibliya. Misugot ang mga ginikanan nga si Mia iapil niini. Nakat-onan ni Mia ang gisaad ni Jehova nga Paraiso ug nagustohan niya ang iyang nakat-onan. Sa dihang siya kuwatro anyos na midumili siya sa pagtambong sa usa ka kasal sa simbahan, nga miingon: “Daddy, kini Dakong Babilonya.”

Dihang siya sayes anyos na ang ministro nangutana kon unsang iglesyaha ang iyang gipasakopan. Siya miingon, “Mga Saksi ni Jehova.” “Ug ang imong mga ginikanan?” “Sila Dutch Reformed pa, apan duol na silang mahimong mga Saksi ni Jehova.” Ang ministro masuk-anong mitubag: “Ayawg hilabti ang akong katawhan!”

Karong adlawa si Mia siyete anyos na ug malipayon nga siya nakasulod sa kamatuoran sa tres anyos. Ang iyang mga ginikanan nagpahayag sa tinguha nga mabawtismohan.