Ang Panahon sa Mesiyas ug sa Iyang mga Sumusunod

Ang mga asoy niini nga seksiyon nahitabo sulod sa mga 100 ka tuig. Usa sa unang mga hisgotan niini nga seksiyon mao ang mapainubsanon nga Hudiyong ulay nga si Maria, kinsa gisaligan sa usa sa kinabug-atang mga asaynment nga gihatag ni Jehova ngadto sa dili hingpit nga tawo. Sa kataposan, hisgotan nato si apostol Juan, nga gimahal pag-ayo ni Jesus. Hisgotan sab nato ang maayo kaayong mga ehemplo sa kaisog sama kang Juan nga Tigbawtismo, apostol Pedro, Maria Magdalena, Esteban, ug apostol Pablo. Nagkinahanglan silag kaisog sa lainlaing kahimtang. Pananglitan, maisogon nilang gipahibalo nga si Jesus ang Mesiyas bisag gisalikway siya sa kadaghanan. Ilang gisunod ang ehemplo ni Jesus bisan pa sa paglutos, ug ilang gisangyaw ang maayong balita bahin kaniya bisan pag sila gisupak ug gidumtan.