Nahibalo Ka Ba?

(Ang mga tubag niini nga pasulit makaplagan sa mga teksto sa Bibliya nga gisitar, ug ang kompletong lista sa mga tubag gipatik sa panid 27. Alang sa dugang impormasyon, konsultaha ang publikasyong “Insight on the Scriptures,” nga gipatik sa Watchtower Bible and Tract Society of New York, Inc.)

1. Unsay gibuhat ni Jesus aron tudloan ang iyang mga apostol ug usa ka pagtulon-an sa pagkamapainubsanon ug pagkaandam nga moalagad nga walay pagpihig? (Juan 13:12)

2. Ang mga pagpahayag sa gugma sa kaubang magbalantay sa Shulamita gipanig-ingon sa makapahimuot nga landong sa unsa nga kahoy? (Awit ni Solomon 2:3)

3. Si Santiago nag-ingon nga ‘walay-pulos ang dagway sa pagsimba’ sa usa ka tawo kon dili niya buhaton ang unsa sa iyang dila? (Santiago 1:26)

4. Unsa ang kataposang nataho sa yutan-ong mga buhat sa paglalang sa Diyos? (Genesis 2:22; 3:20)

5. Kinsay naghulhog sa siyudad sa Sekem sa pag-alsa batok kang Abimelech, nga miresulta sa pagkalaglag sa siyudad? (Maghuhukom 9:28)

6. Unsa ang Amorihanong ngalan sa Bukid Hermon? (Deuteronomio 3:9)

7. Nga gisum-olan na sa mana, unsay gireklamo sa mga Israelinhon samtang didto sa kamingawan? (Numeros 11:4)

8. Diha sa unsang dunggoanang siyudad nga si Pablo mibalhin gikan sa usa ka sakayan ngadto sa lain samtang gidala ingong usa ka binilanggo gikan sa Cesarea ngadto sa Roma? (Buhat 27:5)

9. Sa panan-awon, unsang dulumtanang mga butang ang nakita ni Ezequiel nga gidala sa templo sa Jerusalem? (Ezequiel 8:9-16)

10. Unsang mga bahin sa larawan sa damgo ni Haring Nabukodonosor ang ginama sa salapi? (Daniel 2:32)

11. Unsay gibuhat ni Jesus sa dihang ang Hudiyong mga lider diha sa templo misulay sa pagbato kaniya? (Juan 8:59)

12. Unsay gibuhat ni Moises sa dihang ang iyang nawong midan-ag nga hayag kaayo nga ang mga Israelinhon dili makatan-aw niana? (Exodo 34:35)

13. Kinsa ang amahan ni Moises? (Numeros 26:59)

14. Tungod kay si Zelofehad walay mga anak nga lalaki, unsay gimando ni Jehova? (Numeros 27:1-8)

15. Kinsa ang nailhan sa Nasaretnong mga silingan ingong mga igsoon ni Jesus? (Marcos 6:3)

16. Mahitungod sa sulat ngadto kang Filemon, unsay gibuhat ni Pablo nga talagsaon alang kaniya? (Filemon 19)

17. Nganong mipalit si Jeremias ug uma sa panahon nga ang mga Babilonyanhon milibot sa Jerusalem? (Jeremias 32:8-15, 44)

18. Unsay gipakiluoy sa demonyo kang Jesus nga dili buhaton kaniya? (Lucas 8:28-31)

19. Unsay gihatag ni Adan ngadto sa tanang hayop? (Genesis 2:20)

20. Kinsang di-Israelinhong babaye ang milihok nga maisogon ug mipatay kang Sisera? (Maghuhukom 4:21)

21. Ang mga taga-Corinto gitawag nga “usa ka sulat” nga gikudlit sa unsang dagway? (2 Corinto 3:3)

22. Ginamit ang iyang espada, unsay gibuhat ni Pedro kang Malco? (Juan 18:10)

23. Unsay giingon sa proverbio nga dad-on sa “batang lalaki nga pinasagdan” ngadto sa iyang inahan? (Proverbio 29:15)

24. Ang proverbio nagtandi sa usa ka matahom tan-awon nga babaye nga dili maayog salabotan ngadto sa unsa? (Proverbio 11:22)

25. Unsang pasidaan ang gihatag ni Jesus aron ipasiugda ang kabuangan sa pagbalik sa butang nga anaa sa luyo? (Lucas 17:31, 32)

Mga Tubag sa Pasulit

1. Iyang gihugasan ang ilang mga tiil

2. Mansanas

3. Busalan kana

4. Eva

5. Gaal, anak ni Ebed

6. Senir

7. Karne

8. Myra

9. Dihay 70 ka tigulang nga mga lalaki nga nagsimba sa idolatrosong mga kinulit sa bungbong, mga babaye nga naghilak alang sa diyos sa Babilonya nga si Tammuz, 25 ka nagasimba-sa-adlaw nga mga apostata

10. Ang dughan ug mga bukton

11. Siya mitago ug migawas sa templo

12. Siya nagsul-ob ug pandong sa nawong

13. Amram

14. Nga ang iyang mga anak nga babaye kinahanglang makadawat sa iyang yutang panulondon

15. “Santiago ug Jose ug Judas ug Simon”

16. Gisulat niya kana sa iyang kaugalingong kamot

17. Ingong larawan sa kapasig-ulian nga moabot sa dihang, human sa 70 ka tuig sa pagkadestiyero, ang mga uma pagapaliton pag-usab sa Juda

18. Sa dili “pagsakit” kaniya ug sa pagmando kaniya ug sa iyang kaubang mga demonyo ngadto sa bung-aw

19. Mga ngalan

20. Jael

21. Diha sa mga kasingkasing, “pinaagig espiritu sa buhing Diyos”

22. Giputlan sa iyang dalunggan

23. Kaulawan

24. “Usa ka bulawang singsing sa ilong diha sa simod sa baboy”

25. ‘Hinumdomi ang asawa ni Lot’