Nakasalbar Kini sa Salapi sa Tawo

Samtang nagsakayg taksi latas sa mga siyudad sa Nigeria, Kasadpang Aprika, usa ka lalaki misaysay ngadto sa kaubang biyahedor sa “Mga Naandang Buhat nga Gidumtan sa Diyos,” usa ka leksiyon nga makaplagan diha sa brosyur nga Unsay Gikinahanglan sa Diyos Kanato? Sa dihang mihunong ang taksi sa usa ka restawran, ang lalaki nga dulot nga nainteres sa brosyur mitudlo sa usa ka empake nga iyang gidaladala ug misaysay: “Salapi ni. . . . Ako ning gikawat gikan sa usa sa mga bagahe sa likod sa taksi.”

Ugaling lang, ang lalaki nga mikawat sa salapi niadtong higayona nasubo sa iyang gibuhat ug gustong iuli ang salapi ngadto sa tag-iya niini. Ang empake nailhan nga iya sa usa ka batan-ong negosyante, usa ka kaubang biyahedor. Nasudlan kinig 150,000 naira (mga $1,700). Ang kawatan, nga nagsunodsunod sa iyang biktima sa 500 kilometros, miingon sa negosyante nga angay niyang pasalamatan ang tawo nga maoy nagsaysay niya sa impormasyon nga makaplagan diha sa brosyur. Kadtong impormasyona, siya misaysay, ang nagtukmod kaniyang ibalik ang salapi.

Sa dihang ang drayber ug ubang mga pasahero nasayod sa nahitabo, sila nahibulong, ug silang tanan gustog mga kopya sa brosyur. Ang negosyante wala pa gayod sukad motugot sa mga Saksi sa pagpakigsulti kaniya, apan karon buot niya nga magtuon sa Bibliya.

Makadawat ka niining hinungdanong 32-panid nga brosyur pinaagig pagpil-ap sa kaubang kupon ug pagpadala niana sa adres nga gipakita sa kupon o sa nahiangayng adres nga nalista sa panid 5 niining magasina.

□ Padalhi ako ug usa ka kopya sa brosyur nga Unsay Gikinahanglan sa Diyos Kanato?

□ Palihog kontaka ako mahitungod sa usa ka libreng pagtuon sa Bibliya sa balay.