Nahibalo Ka Ba?
(Ang tubag niining maong pasulit hikaplagan diha sa gisitar nga mga teksto sa Bibliya, ug ang bug-os nga listahan sa mga tubag gipatik sa panid 26. Alang sa dugang impormasyon, tan-awa ang publikasyong “Insight on the Scriptures,” nga gipatik sa Watchtower Bible and Tract Society of New York, Inc.)
1. Bisag gitugotan ni Jehova ang iyang mga kaaway nga pildihon ang iyang katawhan sa dihang sila dili matinumanon, ngano mang siya sa ulahi nanimalos batok niadtong mga nasora? (Deuteronomio 32:27; Isaias 64:2; Nahum 1:2)
2. Unsang ngalan ang gihatag ni Raquel sa iyang ikaduhang anak lalaki samtang siya naghigda nga himalatyon sa pagpanganak? (Genesis 35:18)
3. Sa dihang gipakasama ni Pablo ang espirituwal nga mga hinagiban sa Kristohanon nianang sa unodnong pakiggubat, sa unsa niya gipakasama ang pagtuo? (Efeso 6:16)
4. Sa dihang si David mikalagiw gikan kang Haring Saul, kinsang haria siya nakakaplag ug dangpanan? (1 Samuel 27:2)
5. Ang Yawa nagsaad kang Jesus sa tanang gingharian sa kalibotan ingong baylo sa unsa? (Lucas 4:5-7)
6. Unsang abtik nga aksiyon ni Pinehas ang mitapos sa hampak nga mipatay sa 24,000 ka Israelinhon? (Numeros 25:7-9)
7. Pinaagig paggamit ug unsang mga pulong nga gipahayag ni Job nga siya nakaikyas sa kamatayon nga walay bisag unsa o halos walay bisag unsa? (Job 19:20)
8. Unsang itomong kahoy ang kasagarang gamiton uban ang garing sa paghal-op? (Ezequiel 27:15)
9. Sa unsang katarongan nga ang Asiryanhong hari nga si Tiglath-pileser miasdang sa Syria, miagaw sa Damasco, ug midala sa mga binihag ngadto sa Kir? (2 Hari 16:7-9)
10. Human madungog nga ang iyang panganayng anak lalaki kang Bath-sheba namatay, unsa ang gihimo ni David nga nakapatingala sa iyang mga alagad? (2 Samuel 12:21)
11. Unsa ang gitawag ni Jesus nga ‘lamparahan sa lawas’? (Mateo 6:22)
12. Pinaagig unsa nga si Jehova nag-ingon nga iyang tultolan si Gog ngadto sa iyang kataposang pag-asdang sa katawhan sa Diyos? (Ezequiel 38:4)
13. Bahin kang kinsang lawas nga si Miguel ang arkanghel dunay panagbingkil batok sa Yawa? (Judas 9)
14. Unsang tanoma ang gitagana sa Diyos aron malandongan ang propetang si Jonas human sa iyang misyon sa Nineve? (Jonas 4:6)
15. Tungod kay siya nahimuot pag-ayo sa dihang si Ester nahimong iyang rayna, unsa ang gihatag ni Ahasuero ngadto sa iyang sakop nga mga lalawigan? (Ester 2:18)
16. Kinsa ang napugos sa pagtabang sa pagpas-an sa sakitanang estaka ni Jesus? (Lucas 23:26)
17. Kinsang kaliwat ni Juda kinsa, tungod kay walay anak lalaki, mihatag sa iyang anak babaye sa kaminyoon ngadto sa iyang Ehiptohanong alagad aron mapadayon ang iyang kaliwat? (1 Cronicas 2:34, 35)
18. Sa wala pa si Raquel mamatay sa pagpanganak, unsay pasalig sa iyang mananabang kaniya? (Genesis 35:17)
19. Unsa ang mga gamit sa pagpatahom ang gidapat kang Ester ug sa kauban niyang mga babaye? (Ester 2:12)
20. Kinsa ang misugyot nga pulihan ang maluibong si Judas? (Buhat 1:15-22)
21. Kinsa ang amahan ni Jezabel? (1 Hari 16:31)
22. Kinsa ang duruha ka lalaki nga gisaligan ni Jehova sa pagtukod sa tabernakulo? (Exodo 31:2, 6)
23. Unsang tambag ang gihatag ni Jesus maylabot sa pinasagad nga paghimo ug mga panumpa? (Mateo 5:37)
24. Unsang isog-ug-baho nga tanom nga si Jesus lamang ang naghisgot sa Bibliya? (Mateo 23:23)
Mga Tubag sa Pasulit
1. Alang sa iyang balaang ngalan—aron paubson kadtong mga mapahitas-on ug naghinambog nga kanasoran
2. Ben-oni
3. Dakong taming
4. Haring Akis sa Gath
5. Usa ka “buhat sa pagsimba”
6. Iyang giduslak ang lalaki ug babaye pinaagi sa bangkaw
7. “Sa mga panit sa akong mga ngipon”
8. Ebano
9. Gihiphipan siya sa taga-Judang si Haring Achaz
10. Mihunong siya sa pagpuasa ug misugod sa pagkaon
11. Ang mata
12. Mga taga sa iyang mga apapangig
13. Lawas ni Moises
14. Tabayag nga tanom
15. Amnestiya
16. Simon sa Cirene
17. Sesan
18. Nga ang iyang anak lalaki ihimugso nga buhi
19. Lana sa mira ug lana sa balsamo
20. Pedro
21. Etbaal, hari sa mga Sidonianhon
22. Bezaleel ug Aholiab
23. “Himoa lang ang imong pulong nga Oo nga magkahulogag Oo, ang imong Dili, Dili”
24. Yerbabuyna