Akahakūö ök misī Rācha Tāvit tö Yāvē hēk ṙātö-ellōnre inrē nö in ò. Lökten ik sā Rācha Sôl hēk tö yik tö kunyaha elmat tö ò nö hòṅ fëlngen ò, havëkūö inyööken re pöri ang Tāvit nö in Yāvē. Hang ṙô ò ang Yāvē nö vë-ekūötēv hēk laklen ò inrē. Ngöṙô ang Tāvit: “Tö-aṅ an ngam Mā Tēv [Yāvē].” (Sal. 18:46) Öt höng vënyen ngam Tēv ang Tāvit nö ōt. Vënyu inlahen ön ngam ṙô ò nö in öp töhěng līpöre, tö Tāvit nö hameuktö ngam ṙinātö-ellōnre nö in Yāvē. Ngöṙô ang-aṅ: “Sā ngam Tēv nö tö-aṅ ngatī inlahen anga-aṅ nö örheūheu nö hayööken yip tarik re.” Löktö in ngam inlahen re ang Tāvit nö akahakūö tö Yāvē nö tö-aṅ nö Tēv. Akahakūö inrē anga-aṅ tö inlahen nuk kanihngen yip tarikre. Töp lökten Tāvit nö holtö nganöötöre nö iṙūöhen nö löklōn Yāvē hēk ha-öinyö ò inrē. (Sal. 18:28, 29, 49) Yēḵ hī min kiröngen ṙinātö-ellōn tö Yāvē nö tö-aṅ nö Tēv, ngaich holtö nganöötöre min ayī-ö öi löklōn ò. Holtö nganöönöre inrē öi lā-al nup kanihngenre hēk kalēḵ alaha inrē öi im linkölōn ò. Rö-ö nöng angū-ö, pöi vī ngam inlahen re inrē öi iṙūöhen haröhtöre in Yāvē pòrô öp tö yòh. w24.06 pěch 20-21 përa 3-4

Asūp haköplö hī in ngam chitri kahūich Pôl ök tanīnöṙô nö in yik aṅ Tösölònikē? Yē hī hang nup ṙô tö vaich töt sāḵta nö in minë inköphöti aṅ mat ngam Paipöl, ngaich hòṅ holtö mikah elmatre ayī-ö öi la-evṙen. Chumkūöṙen tö inlahen yik prötör hī yik mi-i Sōviöt Yunīön. Hěngheuh më mā mahayöng nö kūich ök chitri tö sā kinūichö nup chitri lamöktö el ngam vörlt hetkuātörs nö chamuh in më prötör. Im chitri më prötör nö töölöṙô nö vīlö öp tahëng hēk söngkötön re. Ngam mineūkö ngam chitri nö sā tö kô-en angū-ö. Hö-ö pöri nö lō-ongkūö më tö chiplö prötör nö meukö e. Akaha elmat cha-a tö minë tö kūichö aṅ mat e nö öt sāḵta ṙô nö imat ngam Paipöl. Ngatī inlahen yin töngamuh më tö kunyaha elmat tö hī nö halō-ongkūö hī nö löktö in ngam intörnet hēk el ngam sōsöl mitiā inrē nö ahangkö nup tötkô-en ṙô, hěnghöre hòṅ vīlö nup kunyah elmat inrē nö ihôi hī. Lökten ui veut kahë tö nup ṙô, holtö mikah elmat re pöri hēk mikahtökūöre tö nup haköpre hēk ha-angre inrē yěn tö sāḵta nö i ṙô ngam Paipöl. Yēḵ hī min öi ngatī inlahen ngaich öthō min öi lō-ongkūö.—2 Tös. 2:2; 1 Yôh. 4:1. w24.07 pěch 12 përa 14-15

Kô-en an nö tövai nö inlōntö hī. Lökten öi mihôiṅ öi kē nup tö kun kun hēk tökiröng fësla inrē öi kahngenre. Ngam tökiröng kūö tökiröng pöri fësla tö hòṅ kē-ě tö hī nö ngam inlahen hī öi hòṅ kahngenre öi kētö ngam nômöre öi löklōn Yāvē, ngaich tūmö alaha ngam mikūönö ò inrē. Lōnu ang Yāvē tö hī öi ṙòkhöre öi löklōn ò, ha-öinyö ò inrē. Kūö yòh? Lōnu inrē anga-aṅ tö hī öi hol ò, ngaich höng örheūheu öi aṅ. (Chöö. 30:19, 20; Kal. 6:7, 8) Hö-ö pöri ang Yāvē nö timlö alaha ngòh tö hěng tak tarik nö kētöre nö löklōn ò. Kētö ṙētak hī pöri anga-aṅ öi ṙòkhöre öi löknyö ellōnre lōn öi löklōn ò. Yē öp prötör sistör pöri öp tö ngaich nö kē ngam vinôkö nö filal minë chööngö Yāvē hēk kēken öp tökiröng tökööl, ngaich hòṅ sitih inlahen anga-aṅ? Yē ò min nö öt hameuktö miṙivlōnre tö nup tökööl re, ngaich ha-uknyuvö min anga-aṅ nö ṙā-ang el ngam māṅ. (1 Kòr. 5:13) Ṙinātu-ellōn pöri ang Yāvē tö ngam tö fāluṙen tarik nö öthō min nö öt havantöre hēk nö in ò. Kô-en nö angū-ö takô tökiröng lāinyngen ò nö kētö ngam ṙāi ṙinānyi nö in hī, hòṅ ngam tö fāluṙen tarik min nö teūngen tö inṙē-ěl nup tökööl re. (1 Yôh. 2:1) Hangenlōn takô ngam Tēv hī tö hī, lökten anga-aṅ nö hōten hī öi haṙivlōn tö nup tökööl re, ngaich havantöre hēk öi in ò.—Sak. 1:3; Rōm. 2:4; Yāk. 4:8. w24.08 pěch 14 përa 1-2