¿Achkë rma ri winäq kan majun chik kiqʼij ri nkʼaj chkiwäch? | ¿Achkë nuʼij le Biblia chrij riʼ?

Ri winäq xa más itzel najin nuʼän kinaʼoj. Nqaʼij riʼ rma komä más ye kʼïy winäq nkatäj kiyowal chkij ri doctores o chkij ri yesamäj chpan jun kʼayij. Ri yekʼwayon chʼichʼ más nkiyöqʼ kiʼ pa bʼey y ye kʼïy akʼalaʼ yekiyöqʼ kimaestros, nkiʼij chë kʼo xtkiʼän chkë y kʼo mul kan yekichʼäy. Chqä ye kʼo políticos kan itzel kinaʼoj nkiʼän, ye kʼa jojun chik nkiʼij chë kan majun akuchï yesach wä.

Le Biblia nuʼij achkë qanaʼoj kʼo ta chë nqaʼän chqä achkë rma ri winäq komä majun chij kiqʼij ri nkʼaj chkiwäch.

¿Achkë rma ri winäq más itzel najin nuʼän kinaʼoj?

Chwäch jontir le Rwachʼlew, ri winäq más itzel najin nuʼän kinaʼoj. Chkiwäch ryeʼ majun chik rqʼij ta ri ütz anaʼoj naʼän kikʼë ri nkʼaj chik o nakʼwaj jun ütz kʼaslemal.

• Chpan jun encuesta ri kʼa majanäj ta tbʼan qa, xqʼalajin chë ri winäq aj Estados Unidos nkiquʼ chë chkipan ri 22 jnaʼ ri ye qʼaxnäq pä, komä ri winäq ri ye kʼo chpan ri tinamït riʼ más itzel rbʼanon kinaʼoj.

• Chpan jun chik encuesta ri xbʼan chkë más 32,000 winäq ri ye kʼo chpan 28 tinamït, más pa nkʼaj xkiʼij chë ri winäq komä kan majun chik kiqʼij ri nkʼaj chkiwäch.

Chpan le Biblia nuʼij chë ri winäq ri ye kʼo chkipan ri qʼij komä kan itzel wä kinaʼoj xtkiʼän.

• «Pa rkʼisbʼäl taq qʼij, janina kʼayewal xkejeʼ [...]. Rma ri winäq xa xuʼ ryeʼ xtkajoʼ qa kiʼ; xa xuʼ päq xtkajoʼ, xtkinaʼ kiʼ, xtkinmirsaj kiʼ, [...] ma xtkinmaj ta rtzij ri kiteʼ kitataʼ, ma xketyoxin ta chqä kaʼiʼ kipaläj, ma xtkikʼüt ta ajowabʼäl, xa xuʼ ryeʼ xtkajoʼ xtnmäx kitzij» (2 Timoteo 3:1-3).

We nawajoʼ natamaj más chrij ri achkë rbʼanik najin nbʼetzʼaqät re profecía reʼ, taskʼij rwäch ri artículo «¿Predijo la Biblia cómo sería la gente en nuestros días?».

¿Achkë xtqtoʼö rchë más ütz qanaʼoj xtqaʼän?

Tapeʼ chwäch jontir le Rwachʼlew ri winäq más itzel najin nuʼän kinaʼoj, kan pa millón más ütz najin nkiʼän che rä kinaʼoj rma ri toʼïk kilon chpan le Biblia. Ri naʼoj ye kʼo chpan «ronojel mul ütz nakʼuqbʼaʼ akʼuʼx chkij, komä chqä xa bʼa jaruʼ jnaʼ yeqʼax» (Salmo 111:8). Tqatzʼetaʼ jojun chkë riʼ:

• Ri nuʼij le Biblia: «Tibʼanaʼ kikʼë ri nkʼaj chik ronojel ri niwajoʼ chë nbʼan iwkʼë rïx» (Mateo 7:12).

  Ri ntel chë tzij re texto reʼ: We röj ma nqajoʼ ta nqasäx qaqʼij o itzel kinaʼoj nkiʼän ri nkʼaj chik qkʼë, röj chqä ke riʼ nkʼatzin nqaʼän kikʼë ri nkʼaj chik.

• Ri nuʼij le Biblia: «Rma komä ma yeʼiqʼöl ta chik ri winäq, chijujnal rïx kantzij kixtzjon kikʼë ri iwachʼalal» (Efesios 4:25).

  Ri ntel chë tzij re texto reʼ: Röj nkʼatzin ma yeqaqʼöl ta ri nkʼaj chik rkʼë ri yeqaʼij o rkʼë ri yeqaʼän.

We nawajoʼ natamaj más chrij reʼ, keʼatzʼetaʼ reʼ:

• Ri wuj La Atalaya ri nutzjoj rij reʼ: «Una guía confiable para hacer lo correcto».

• Ri artículo «¿Nos ayuda la Biblia a ser tolerantes?».