¿Achkë ütz nqaʼän rchë nqʼax chqawäch ri kʼambʼäl taq tzij ri ye kʼo pa Biblia?

Chpan le Biblia yeqïl kʼïy kʼambʼäl taq tzij. Ye kʼa, ye kʼïy winäq ri nkiskʼij rwäch le Biblia kwest nkichʼöbʼ ri kʼambʼäl taq tzij riʼ (Mat. 13:13). Tqatzʼetaʼ oxiʼ ri ütz nqaʼän rchë kan pa rbʼeyal nqʼax chqawäch achkë ntel chë tzij jun kʼambʼäl tzij:

• Tqatzʼetaʼ achkë najin ntzjöx y achoq rkʼë najin njnamäx wä. Jun ejemplo, Apocalipsis 3:3 nuʼij chë Jesús xtpë kan achiʼel nuʼän jun aleqʼon. Ri naʼoj najin ntzjöx aweʼ ya riʼ chë xtbʼeqä ri qʼij taq Jesús xtpë y najin njnamäx rpetik rkʼë rbʼanik nbʼeqä jun aleqʼon.

• Tqaquʼ achkë nbʼanö chë ri najin ntzjöx xa jnan jbʼaʼ rkʼë ri achoq rkʼë najin njnamäx wä. Ütz nqaquʼ rij ya reʼ: «¿Achkë nbʼanö chë xa ye jnan jbʼaʼ?».

• Tqatzʼetaʼ si pa rbʼeyal xqʼax chqawäch. Kʼo mul rkʼë jbʼaʼ ma pa rbʼeyal ta nqʼax chqawäch jun kʼambʼäl tzij. Ri kʼambʼäl tzij ri xqatzjoj qa pa rwiʼ, ma ntel ta chë tzij chë Jesús xtpë rchë nbʼeleqʼan. Ri nrajoʼ nuʼij ya riʼ chë ri winäq ma xtkinaʼej ta taq xtpë, kan achiʼel nuʼän jun aleqʼon.