Tayaʼ jun «naʼoj […] ri petenäq rkʼë Dios»

Jontir nqä chqawäch nqjeʼ kikʼë nkʼaj chik qachʼalal, rchë ke riʼ nqakʼuqbʼalaʼ qakʼuʼx chqawäch. Ye kʼa rchë nqakʼuqbʼalaʼ qakʼuʼx, ma xa xuʼ ta nkʼatzin jnan nqjeʼ. Le Biblia nuʼij chë nkʼatzin nqakʼuqbʼaʼ kikʼuʼx nkʼaj chik rkʼë jun «naʼoj [...] ri petenäq rkʼë Dios» (Rom. 1:11, 12). ¿Achkë rbʼanik naʼän rït ya riʼ?

Takʼuqbʼaʼ kikʼuʼx nkʼaj chik rkʼë ri naʼij chkë. Taq xtayaʼ jun acomentario pa qamoloj, ma xa xuʼ ta taʼij achkë naquʼ rït o achkë aqʼaxan pä pan akʼaslemal, xa tatzjoj chqä achkë natamaj qa chrij Jehová, achkë natamaj qa chpan Rchʼaʼäl o chkij ri winäq ri nkiyaʼ rqʼij ryä. Y, taq xkatzjon kikʼë qachʼalal, tatzjoj jun naʼoj chkë ri xtkʼuqbʼaʼ kikʼuʼx.

Keʼatoʼ nkʼaj chik rkʼë ri nachaʼ naʼän pan akʼaslemal. Jun ejemplo chrij reʼ ya riʼ chë, achiʼel kibʼanon ye kʼïy qachʼalal, rkʼë jbʼaʼ rït chqä aksan na akʼaslemal rchë naʼän rsamaj Jehová tapeʼ kʼo kʼayewal awlon. O rkʼë jbʼaʼ yït bʼenäq pa qamoloj ri nbʼan chukojöl qʼij tapeʼ kowan yakos pä pan asamaj o kʼo jun yabʼil awlon.

¿Y rït? ¿Nakʼuqbʼaʼ kikʼuʼx nkʼaj chik rkʼë ri naʼij chkë? ¿Y kʼo natamaj qa rït chrij ri nkiʼij ryeʼ chawä?