RI QAKʼASLEMAL RÖJ RI CRISTIANOS
¿Achkë xtqtoʼö rchë más xtqakʼuqbʼaʼ qakʼuʼx chrij le Biblia?
Ri Ruchʼaʼäl Dios nkowin nujäl qakʼaslemal (Heb 4:12). Ye kʼa ri naʼoj ri ye kʼo chpan xa xuʼ xkojkitoʼ we nqanmaj chë re wuj reʼ kantzij wä chë «ruchʼaʼäl Dios» (1Te 2:13). ¿Achkë xtqtoʼö rchë más xtqakʼuqbʼaʼ qakʼuʼx chrij le Biblia?
Tqaskʼij ruwäch le Biblia ronojel qʼij. Taq xtqaskʼij ruwäch jun peraj, keqakanuj naʼoj ri nkikʼüt chë le Biblia runaʼoj Jehová kʼo chpan. Jun tzʼetbʼäl. Taq xtqanukʼuj ruwäch Proverbios, tqatzʼetaʼ chë ri naʼoj ye kʼo chpan kʼa yekʼatzin na chqë komä (Pr 13:20; 14:30).
Tqanukʼuj rij jun naʼoj. Röj kʼo chë nqatamaj achkë rma nqaʼij chë le Biblia runaʼoj Dios kʼo chpan. Rma riʼ, tqanukʼuj ri wuj Guía de estudio para los testigos de Jehová, chpan ri peraj «La Biblia», chrij riʼ, «Inspirada por Dios». Chqä ri xtqanukʼuj ri apéndice A3 ri kʼo chpan ri Traducción del Nuevo Mundo xtqrtoʼ rchë xtqakʼuqbʼaʼ más qakʼuʼx chë ri naʼoj kʼo chpan le Biblia ma jalatajnäq ta.
TAQ XATZʼËT YÄN RI VIDEO ¿ACHKË RMA QAKʼUQBʼAN QAKʼUʼX CHRIJ RI RUCHʼAʼÄL DIOS?, KEʼAQʼALAJSAJ RE KʼUTUNÏK REʼ:
¿Achkë kʼo chwäch ri peraj tzʼaq ri xilitäj pa templo de Karnak (Egipto) ri nukʼüt chë Ruchʼaʼäl Dios kantzij ntzjon?
¿Achkë nkʼutü chë ri naʼoj kʼo chpan le Biblia ma jalatajnäq ta?
Rma le Biblia kʼa kʼo na chkipan ri qʼij yoj kʼo komä, ¿achkë nukʼüt ya riʼ chqawäch? (Taskʼij ruwäch Isaías 40:8).