¿Nawajoʼ yabʼä chpan ri Escuela para Evangelizadores del Reino?

We rït kʼo 23 kʼa 65 ajunaʼ, aksan akʼaslemal rchë naʼän rusamaj Jehová, majun ta ayabʼil y nawajoʼ yasamäj akuchï nkʼatzin ntzjöx más le Biblia, tanujsaj a-solicitud rchë yabʼä pa Escuela para Evangelizadores del Reino. Kan xa xuʼ xchapatäj pä re tijobʼäl reʼ, ye kʼïy qachʼalal, ye kʼlan o ma ye kʼlan ta, kikʼutun ki-solicitud rchë yebʼä chpan ri tijobʼäl riʼ. Ye kʼa, yeʼajowatäj más qachʼalal achiʼaʼ ri ma ye kʼlan ta. Taʼij che rä Jehová chë tbʼanaʼ chawä chë narayij nayaʼ más ruqʼij chqä nakʼän anaʼoj chrij ri Rukʼajol (Sl 40:8; Mt 20:28; Heb 10:7). Chrij riʼ, taquʼ achkë nkʼatzin najäl pan akʼaslemal rchë yakowin yabʼä chpan ri tijobʼäl riʼ.

¿Achkë samaj kibʼanon pä ri xkiʼän graduar kiʼ chpan re tijobʼäl reʼ? Jojun xetaq chkipan tinamït akuchï ri winäq yetzjon nkʼaj chik chʼaʼäl o rchë nkitzjoj le Biblia chrij exhibidor akuchï kan kʼïy winäq yeqʼax. Nkʼaj chik ye bʼenäq chkichʼbʼexik ri congregaciones pa kikʼexel ri ukʼwäy taq bʼey rchë circuito, ye oknäq ukʼwäy taq bʼey rchë circuito o misioneros. Loman naquʼ achkë nawajoʼ naʼän rchë nayaʼ más ruqʼij Jehová, takʼamaʼ anaʼoj chrij ri profeta Isaías. Ryä xuʼij: «¡Aweʼ yïn kʼo wä rïn! Kinataqaʼ äl rïn» (Is 6:8).

TAQ XATZʼËT YÄN RI VIDEO RI MISIONEROS: QACHʼALAL RI NKIYAʼ KAN CHRIJ RUSAMAJ JEHOVÁ, KEʼAQʼALAJSAJ RE KʼUTUNÏK REʼ:

• 

  ¿Achkë rubʼanik yechaʼöx ri misioneros?

• 

  ¿Achkë utziläj taq samaj najin nkiʼän ri misioneros?

• 

  ¿Achkë utzil kilon ri misioneros?