Lun aban lan hádangiñe lubúeingu Heowá aban gürigia, lunti lederegeruni libagari lun, ligía katei súdinitimati le gayaraabei ladügüni. Le linarün katei, busenti Heowá lun hadügüni gürigia katei le. Ka uagu? lun gamadagua hamá luma lun hawinwandun lun súnwandan (2 Lur. 30:​19, 20; Gal. 6:​7, 8). Mafosurunti Heowá ni aban lun leseriwidun lun, lubaragiñe lira, ígirati lun lanúadiruni kada gürigia kaba lan ladüga. Kati asuseredubei dan le ladügün aban kristiánu somu figóu wéiriti? Anhein masakürihan, lunti lasagarún lídangiñe damuriguaü (1 Ko. 5:​12, 13). Íbini ítara, busenti Heowá tídangiñe sun lanigi lun lagiribudun gürigia ligía lun. Le linarün katei, lun feruduna lániña Heowá ha asakürihabaña lídangiñe hafigoun ligía ábanbei lídangiñe lébuna lafayeiruni lebegi esefuruni. Kei hínsiñehabu lubéi, dará lumuti larüna habá ha afigouhabaña ani ínchaha lumutiña lun hasakürihan (Sak. 1:3; Rom. 2:4; Sant. 4:8). w24.08 páh. 14, 15 pár. 1, 2

Dan labürüdünbarun apostolu Huan tǘrüwan gárada, haburuchaguagüdüña fiu gürigia arufudahani mama inarüniti adüga hagía lun ñein lan fánreinguaü. Lau sun lira, ñéinñanu hádangiñe ‘abagarida úaragua luma inarüni’. Gaganbaditiña meha lun Heowá ani ‘habagariduña meha según lugumadin Bungiu’ (2 Huan 4, 6). Mámarügüñein Huan hagundaaragüda kristiánugu úaraguatiña ha, gúndaagüda hamuti giñe Heowá (Ari. 27:11). Ka wafurendeirubei lídangiñe le lariñagubei Huan? Furendeitiwa sandí wamá saragu ugundani dan le úaragua wamá lun Heowá (1 Huan 5:3). Sanditiwa giñe saragu ugundani dan le wasubudiruni gúndaagüda wamani Heowá lau le wadügübei. Gúndaagüda wamuti Heowá dan wígiruni le wuribabei ábati wadügüni le buídubei. Aba giñe hagundaarun lubúeingu Heowá ha siélubaña (Luk. 15:10). Gúndaatiwa giñe dan le úaragua hamá wábirigu (2 Tesa. 1:4). Dánmeti le lagumuchun Heowá lau ubóu le lábugiñebei lubafu Satanási, wéiribei wagundan lau wakipuragun woungua lau úaraguni lun Heowá. w24.11 páh. 12, 13 pár. 17, 18

Átiribeiti dan bau asubudirei tigaburi aban würi lubaragiñe bariñagun tun hínsiñe tan bun? Ánhabu óufudaha ariñagei tun hínsiñe tan bun, gayaraabei tasaminarun masaminarun bani katei buidu lubá badügüni (Ari. 29:20). Ani anhein tariha aban würi hínsiñe tan bun ani mariñagun bumuti tun, gayaraabei tasaminarun machourun bani kaba lan badüga (Apur. 11:4). Haritaguabéi memegeirun ban bachoururuni furumiñe anhein túmaba lubéi würi tuguya bamarieida lubaragiñe bariñaguni tun hínsiñe tan bun. Lau sun lira, lunti bachoururuni aranseedibu lan lun bamarieidun ani másiña lan anuhán lan würi to lunboun túmaba lan bamarieida. Ánheinti ariha aban wügüri hínsiñe lan tun aban würi o anhoun ariha aban würi hínsiñe tan lun aban wügüri, ka lunbei hadügüni? Anhein masandirun hubéi ni kata hawagu ha asandirubaña ínsiñeni huagu ariñaga huméi houn furangu ani arufuda humeime lidan ligaburi hóuseruniña. Anhein madügün humá, mámame harufuduñein ínsiñeni le lunbei larufudún houn íbirigu. Anhaün ígira lun hasaminarun sandí humá ínsiñeni hawagu, harufuduña magudemehabu humá (Efe. 4:25). w24.05 páh. 22, 23 pár. 9, 10