Kanpaɲi kɛrɛnkɛrɛnnen walasa ka Ala ka Masaya kofɔ mɔgɔw ye Sɛtanburukalo la!

Sɛtanburukalo la, an bɛna cɛsiri kɛrɛnkɛrɛnnen kɛ walasa k’a jira mɔgɔw la ko Ala ka Masaya dɔrɔn de bɛ se ka mɔgɔw bɛɛ ka gɛlɛyaw ban pewu-pewu. (Matiyu 24:14) I bɛ se ka i sen don o kanpaɲi na cogo di? Tɛmɛsira minnu bɛ kuma Ala ka Masaya ko la, olu dɔ kalan mɔgɔ caman ye Sɛtanburukalo la, ni o bɛ se ka kɛ. Ni dɔ y’a jira ko Kibaru Duman ka di a ye, Tour de Garde min bɛ di jama ma foro kɔnɔ san 2020 ta no 2 di o tigi ma. O kɔ, kana bila ka suma kɛ segin-ka-bɔnyew kɛli la ani k’a ɲini ka Bibulukalan daminɛ a tigi kun ni Ɲɛnamaya kɛ nisɔndiya la fo badaa! gafenin ye. O Sɛtanburukalo la, tutigɛbaga farankanw bɛɛ bɛ se k’a sugandi ka lɛrɛ 15 walima lɛrɛ 30 kɛ.

Yan ni sɔɔni dɔrɔn, Ala ka Masaya bɛna gofɛrɛnɛmanw bɛɛ tiɲɛ minnu bɛ ka a kɛlɛ. (Daniɛl 2:44; 1 Kɔrɛntekaw 15:24, 25) An ye nin cogo kɛrɛnkɛrɛnnen min sɔrɔ, an ka nafaba bɔ o la walasa ka an ka kantigiya jira Jehova ni a ka Masaya la!