AN KA ƝƐNAMAYA KƐ IKO KRECƐNW

N’a kɛra ko wariko gɛlɛyaba donna diɲɛ kɔnɔ, yala i labɛnnen bɛ o kama wa?

Ko minnu bɛ ka kɛ diɲɛ kɔnɔ, ni olu kɛra sababu ye ka wariko gɛlɛyaba don diɲɛ bɛɛ kɔnɔ, o tɛ bali an na. Mun na? Bawo an bɛ laban donw laban waati de la ani Bibulu ye an lasɔmi ko an kana an jigi da “nafolo bantaw” kan. (1 Timote 6:17; 2 Timote 3:1) Fɛn min ye ka an labɛn diɲɛ wariko gɛlɛyaba kama, Josafat ka misali bɛ se ka an kalan mun de la o ko la?

Tuma min na Josafat juguw y’a bagabaga, a y’a jigi da Jehova kan. (2 Tilew Kibaru 20:9-12) A ye fɛɛrɛ jɔnjɔnw fana tigɛ walasa ka kɔn ka jamana kɔnɔmɔgɔw labɛn a kɛtɔ ka duguw barika bonya ani ka kɛlɛdenw sigi. (2 Tilew Kibaru 17:1-3, 12-14) Iko Josafat cogo, a bɛ fisaya an ka an jigi da Jehova kan ani ka an labɛn kɛrɛnkɛrɛnnenya la waati gɛlɛnw kama.

AN BƐ SE KA MUN DE KƐ WALASA KA AN LABƐN WARIKO GƐLƐYABA KAMA MIN BƐ SE KA DON DIƝƐ KƆNƆ?

Labɛn, alako ta fan fɛ: Min bɛ i bolo o ka i wasa ani i bɛ i jigi dali min kɛ Jehova kan k’a bɛ se ka i ka don o don magoɲɛfɛnw di i ma, o barika bonya. (Matiyu 6:26; 1 Timote 6:8.) I jijalen ka kɛ i kana Bibulu sariyakolow sɔsɔ abada walasa ka o magoɲɛfɛnw sɔrɔ. (Romɛkaw 2:21) Kɔn ka i hakili jagabɔ fɛnw kan, i bɛ se ka minnu kɛ walasa i ka ta’a fɛ ka to ka Bibulu kalanjɛ kɛ ani ka gafew kalan minnu sinsinnen bɛ Bibulu kan hali ni kuran walima konneksiyon tigɛra. Gafe inprimelen damadɔw sugandi ka olu mara i bolo kɔrɔ, ani gafe minnu bɛ ta masinmafɛnw kan, n’a bɛ se ka kɛ, i ka kɔn ka olu dɔw ta.

Labɛn, bolofɛnko ta fan fɛ: Dɔ bɔ juruw ani musaka nafantanw la sani wariko gɛlɛyaba ka don diɲɛ kɔnɔ. (Ntalenw 22:7) N’a bɛ se ka kɛ, dumunifɛn bɛrɛbɛnnenw ani magoɲɛfɛn wɛrɛw mara i bolo kɔrɔ. Dɔw bɛ se k’a bɔ u yɛrɛ la ka nakɔ sɛnɛ ani ka u janto a la walasa u ka se ka wari dɔ mara.

NIN WIDEYO LAJƐ: YALA I LABƐNNEN DON KASAARA KOW KAMA WA? O KƆ AW KA NIN ƝININKALI NINNU JAABI:

“Yala i labɛnnen don kasaara kow kama wa?” o wideyo yɔrɔ dɔ. Bibulu, saki dɔ magoɲɛfɛnw maralen bɛ min kɔnɔ, telefɔni dɔ, ani sojɔ baarakɛlaw.

An yɛrɛw bɛ se ka mun de kɛ walasa an labɛnnen ka kɛ kasaaraw kama?

Your answer

“Yala i labɛnnen don kasaara kow kama wa?” o wideyo yɔrɔ dɔ. Balimaw bɛ ka dɛmɛni baaraw kɛ u kɛtɔ ka sojɔbaara kɛ ani ka minɛnw jigin ka bɔ kamiyɔn dɔ kɔnɔ.

An labɛnnen bɛ se ka kɛ tɔw dɛmɛni kama cogo di?

Your answer