Yala i labɛnnen bɛ walasa ka se sɔrɔ fasodenw ka murutilikow kan wa?

Ikomi nin diɲɛ laban surunyara, an ka sigi n’a ye ko fasodenw ka murutilikow, terorisimu ani kɛlɛw bɛ caya ta’a fɛ. (Jirali 6:4) An bɛ se ka an labɛn cogo di gɛlɛya nataw kama?

• Labɛn, alako ta fan fɛ: Bibulu sariyakolow ani Bibulu maana minnu bɛ i ka dannaya barika bonya ka ɲɛsin Jehova ni a ka jɛkuluba ma ani minnu bɛ i dɛmɛ i kana i ni don nin diɲɛ kow la, olu ɲini. (Ntalenw 12:5; jr-F 125-126 § 23-24) Sisan de ye waati ye min na, an ka kan ka teriya sɛbɛ don an ni jɛkulu kɔnɔmɔgɔw cɛ.—1 Piɛrɛ 4:7, 8

• Labɛn, farikolo ta fan fɛ: Fɛɛrɛ dɔ tigɛ min b’a to i lakananen bɛ to n’a y’a sɔrɔ ko i tɛ se ka bɔ i ka so kɔnɔ ani ka magoɲɛfɛn bɛrɛbɛnnenw mara i bolo kɔrɔ. Ani fana n’a y’a sɔrɔ ko i ka kan ka bɔ i ka so kɔnɔ, i bɛna o kɛ cogo min na, o fɛɛrɛ sigi sen kan. I ye i magoɲɛfɛn minnu mara saki dɔ kɔnɔ kasaaraw kama, segin ka olu lajɛ ani ka i yɛrɛ lakanaminɛnw i n’a fɔ ganw, maskiw ani o n’a ɲɔgɔnna fɛnw ani wari fara i ka fɛn maralenw kan. A ɲini ka diinɛ maakɔrɔw lasɔrɔ cogo dɔn ani i jija olu fana ka i lasɔrɔ cogo dɔn.—Esayi 32:2; g17.5-F 3-7

Murutilikow waati la, ta’a fɛ ka to ka i ka delinakow kɛ alako ta fan fɛ. (Filipekaw 1:10.) I yɛrɛ tanga taa ka seginw ma yɔrɔw la fo n’a y’a sɔrɔ kun jɔnjɔn bɛ o kɛli la. (Matiyu 10:16.) Dumunifɛnw tila i ni mɔgɔ wɛrɛw cɛ.—Romɛkaw 12:13.

NIN WIDEYO LAJƐ: YALA I LABƐNNEN DON KASAARA KOW KAMA WA? O KƆ AW KA NIN ƝININKALI NINNU JAABI:

• Jehova bɛ se ka an dɛmɛ cogo di kasaaraw waati la?

• An bɛ se ka fɛn jɔnjɔn jumɛnw kɛ walasa ka an labɛn?

• Kasaaraw ye mɔgɔ minnu sɔrɔ an bɛ se ka olu dɛmɛ cogo di?