Yala i bɛ ka i labɛn Hakilijigin seli kama wa?

Yesu ye tɛmɛnkan seli laban min kɛ, kɔrɔ tun bɛna kɛ o la. Bawo sɔɔni a tun bɛna sa. A ye kow labɛn walasa ka Tɛmɛnkan seli dumuni kɛ ni a ka cidenw ye ani ka fɛn kura sigi sen kan min bɛna to ka kɛ san o san, ni o ye Matigi ka Surɔfana ye. O la u tun bɛna o kɛ bon min kɔnɔ, a ye Piɛrɛ ni Yuhana ci u ka taa o labɛn. (Luka 22:7-13; ja lajɛ ɲɛ fɔlɔ kan.) O bɛ an hakili jigin ko an ka kan ka an labɛn Hakilijigin seli kama min bɛna kɛ Marisikalo tile 27. A bɛ se ka kɛ ko jɛkulu dɔw ye labɛnw kɛ jɛmukan dibaga, nbuuru ni diwɛn ani o n’a ɲɔgɔnnaw ko la. O bɛɛ n’a ta, an bɛɛ kelen kelen bɛ se ka mun de kɛ walasa an labɛnnen ka kɛ Hakilijigin seli kama?

I dusukun labɛn. Hakilijigin seli Bibulu kalanjɛ kɛ ani ka i hakili jagabɔ o kan. O porogaramu dɔ bɛ se ka sɔrɔ Examinons les Écritures chaque jour kɔnɔ. Porogaramu walawalalen koɲuman bɛ sɔrɔ Ala ka kuma kalanni ɲɛminɛlan gafenin tilayɔrɔba 16nan na. Kunmabɔsara nafa ye min ye, o bɛ sɔrɔ gafe minnu kɔnɔ, denbayaw bɛ se ka olu sɔrɔ u ka denbaya ka Alabato kama u kɛtɔ ka ɲinini kɛ Index des publications des Témoins de Jéhovah walima Guide de recherche pour les Témoins de Jéhovah kɔnɔ.

Mɔgɔ wɛrɛw wele. I sen don kosɛbɛ Hakilijigin seli weleli sɛbɛnw tilatilali la. Miiri mɔgɔw ko la i bɛ se ka minnu wele, i n’a fɔ i ka segin-ka-bɔnyew, i ka Bibulukalanden kɔrɔw, i dɔnbagaw ani i somɔgɔw. Diinɛ maakɔrɔw ka kan ka u jija ka mɔgɔw wele minnu ye waajulibaara ani lajɛw taali jɔ. I hakili to a la ko ni mɔgɔ dɔ tɛ aw ka lamini na, Hakilijigin seli kɛwaati ani a kɛyɔrɔ min ka surun o tigi la, i bɛ se ka o sɔrɔ jw.org kan i kɛtɔ ka ANW KO LA yɔrɔ digi ani ka “Hakilijigin seli” yɔrɔ digi.

An bɛ se ka mun wɛrɛ kɛ walasa ka an labɛn?