An ka an seko bɛɛ kɛ forobaara la an kɛtɔ ka segin ka bɔnyew kɛ

MUN NA O NAFA KA BON: Mɔgɔ caman bɛ ka u mago don Masaya cikan na walasa ka a ɲini ka tiɲɛ dɔn Ala ko la. (Esayi 55:6) Walasa an ka se ka olu kalan dɔɔnin dɔɔnin, an ka kan ka to ka segin ka taa bɔ u ye tuma bɛɛ. Mɔgɔw ka gɛlɛyaw tɛ kelen ye, o la ni an bɛ tiɲɛ nege don u la an tɛ kuma sugu kelen fɔ u bɛɛ ye. Nka o n’a ta bɛɛ, an bɛ nɔ ɲumanw bɔ ni an bɛ an labɛn ka ɲɛ ani ka kuntilenna sigi an yɛrɛ la segin ka bɔnyew bɛɛ kɛli la, ni o kuntilenna jɔnjɔn ye ka Bibulukalan daminɛ.

AN BƐ SE KA O KƐ COGO MIN NA:

• An ka an jija ka segin ka taa bɔ mɔgɔw ye joona, laala tile damadɔ dɔrɔn an ni u ka ɲɔgɔn ye fɔlɔ kɔ.—Matiyu 13:19

• An ka nisɔndiya u kɔrɔ ani ka bonya da u kan. An ka kɛ mɔgɔ madalenw ye

• A daminɛ ka foli kɛ ni nisɔndiya ye. A tigi wele a tɔgɔ la. A hakili jigin a la kun min na i seginna ka na—ni o ye laala ka ɲininkali dɔ jaabi, ka na ni sɔn-ni-sɔn gafenin laban ye, ka an ka intɛrinɛti siti jira, ka wideyo dɔ jira a la, walima k’a jira Bibulukalan bɛ kɛ cogo min na. Yɛlɛma don i ka fɔtaw la ni a y’a jira ko a b’a fɛ aw ka baro kɛ barokun wɛrɛ kan.—Filipekaw 2:4

• Tiɲɛ kisɛ minnu danna a dusukun na olu sɔn i kɛtɔ ka Bibulu hakilina dɔ fɔ a ye walima ka gafe dɔ to a bolo. (1 Kɔrɛntekaw 3:6) A ɲini ka jɛɲɔgɔnya don i ni a cɛ

• Segin-ka-bɔnye nata boloda