U kalan u ka baara kɛ Jehova ye tuma bɛɛ

Jateminɛw y’a jira ko weleweledala kura minnu kalanna kabini a daminɛ na walasa u ka to ka waajuli kɛ ni cɛsiri ye tuma bɛɛ, tuma caman na olu bɛ laban ka kɛ weleweledalaw ye minnu bɛ nɔ bɔ. (Ntalenw 22:6; Filipekaw 3:16) Hakilina dɔw bɛ sɔrɔ yan, minnu b’a jira cogo min na i bɛ se ka kalanden dɛmɛ a ka jusigilan ɲuman sɔrɔ foro baara la:

• Waati min na dɔrɔn sɔn kɛra a ma ko i ka kalanden kɛra weleweledala ye, a kalanni daminɛ. (km 8/15 1) Nafa min b’a la ka waajulibaara sen don a ka dɔgɔkun delinankow la, o jira a la k’a jɛya. (Filipekaw 1:10) Ni i bɛ kuma foro kɔnɔmɔgɔw kan, kuma cogo ɲuman na. (Filipekaw 4:8) Dusu don a kɔnɔ a ka baara kɛ ni a ka kulu lakɔlɔsibaga ye, ani weleweledala wɛrɛw ye walasa a ka nafa bɔ olu ka kodɔn na.—Ntalenw 1:5; km 10/12 6 § 3

  

• I ka kalanden ka batɛmu tali kɔ, kana a dabila ka dusu don a kɔnɔ ani k’a kalan waajulibaara la, kɛrɛnkɛrɛnnenya la ni a ma tila “ Gardez-vous dans l’amour de Dieu ” gafe kalanni na.—km 12/13 7

  

• Ni i bɛ ka baara kɛ ni weleweledala kura ye foro la, baara kɛ ni jiracogo nɔgɔman ye. Ni i ye a ka jiracogo lamɛn, a tanu koɲuman. Hakilinaw di a ma minnu bɛna a dɛmɛ a ka se ka nɔba bɔ.—km 5/10 7