(1) Ɲininkali, (2) Bibulu tɛmɛsira ani (3) Kalansen

Gafe min tɔgɔ ye ko Qu’enseigne réellement la Bible ?, o jiracogo nɔgɔn dɔ ye ka: (1) ɲininkali dɔ kɛ, i barokɛɲɔgɔn b’a hakilila di min kan, (2) Bibulu tɛmɛsira bɛnnen dɔ kalan, ani (3) kalansen min bɛ kuma aw ka barokun kan, o jira gafe kɔnɔ, i ka ɲininkaliw kalan minnu bɛ o kalansen tɔgɔ jukɔrɔ. N’i barokɛɲɔgɔn y’a jira ko kibaru duman ka di a ye, i bɛ se Bibulu-kalan kɛcogo ɲɛjira a la ni kalansen dakun fɔlɔw ye. N’i siɲɛ fɔlɔ don ka kuma i barokɛɲɔgɔn fɛ, walima n’i seginna ka na bɔ a ye tuma min na, i bɛ se ka baara kɛ ni nin jiracogo ye.

◼ “E fɛ, yala hadamaden gansanw bɛ se ka an Dabaga, se-bɛɛ-tigi Ala dɔn iko a fɔlen bɛ cogo min na Bibulu kɔnɔ yan wa?” Kɛwalew 17:26, 27 kalan, ka jaabi makɔnɔ. O kɔfɛ kalansen fɔlɔ jira a la.

◼ “K’a sɔrɔ gɛlɛyaw b’an da la bi, e fɛ yala an bɛ se ka dususaalo ni jigiya sɔrɔ iko a ɲɛfɔlen bɛ yan cogo min na wa?” Romɛkaw 15:4 kalan, ka jaabi makɔnɔ. O kɔfɛ, kalansen 2nan jira a la.

◼ “Ni a se tun bɛ i ye ka nin yɛlɛmaw kɛ, yala i tun bɛna u kɛ wa?” Jirali 21:4 kalan, ka jaabi makɔnɔ. O kɔfɛ, kalansen 3nan jira a la.

◼ “E fɛ, yala an denw bɛna se don dɔ ka balo nin diɲɛ sugu kɔnɔ i ko a ɲɛfɔlen bɛ cogo min na nin dɔnkili kɔrɔ kɔnɔ wa?” Zaburu 37:10, 11 kalan, ka jaabi makɔnɔ. O kɔfɛ, kalansen 3nan jira a la.

◼ “Yala e fɛ don bɛna se, nin kumaw bɛna se ka tiimɛ don min na wa?” Esayi 33:24 kalan, ka jaabi makɔnɔ. O kɔfɛ kalansen 3nan jira a la.

◼ “Yala i delila k’i yɛrɛ ɲininka ni mɔgɔ salenw bɛ ɲɛnamaw ka ko kɛtaw kala ma wa?” Jaabi makɔnɔ, o kɔfɛ Eklesiaste 9:5 kalan, ka tila ka kalansen 6nan jira a la.

◼ “E fɛ, yala an bɛ se ka an diyanyɛmɔgɔ salenw ye kokura don dɔ, iko Yesu y’a fɔ cogo min na nin tɛmɛsiraw kɔnɔ wa?” Yuhana 5:28, 29 kalan, ka jaabi makɔnɔ. O kɔfɛ kalansen 7nan jira a la.

◼ “E fɛ, cogo jumɛn de la Ala sago bɛ se ka kɛ dugukolo kan i ko a bɛ kɛ sankolo la cogo min na, ka kɛnyɛ ni Yesu ka delili ye min dɔnnen don kosɛbɛ?” Matiyu 6:9, 10 kalan, ka jaabi makɔnɔ. O kɔfɛ kalansen 8nan jira a la.

◼ “E fɛ, yala an bɛ waati la min kofɔlen bɛ nin kirayakuma kɔnɔ wa?” 2 Timote 3:1-4 kalan, ka jaabi makɔnɔ. O kɔfɛ Kalansen 9nan jira a la.

◼ “Mɔgɔ caman b’u yɛrɛ ɲininka mun na hadamadenw ka gɛlɛyaw bɛ juguyara ka t’a fɛ? Ɲɛfɔli min dilen bɛ nin tɛmɛsira kɔnɔ, yala i delila k’a miiri ko a kun bɛ se ka kɛ o ye wa?” Jirali 12:9 kalan, ka jaabi makɔnɔ. O kɔfɛ kalansen 10nan jira a la.

◼ “Yala a ma deli ka diya i ye ka nin ɲɔgɔnna ɲininkali jaabi sɔrɔ wa?” Job 21:7 kalan, ka jaabi makɔnɔ. O kɔfɛ kalansen 11nan jira a la.

◼ “E fɛ, yala ni mɔgɔw tugura nin laadilikan kɔ min bɛ Bibulu kɔnɔ, o bɛna u dɛmɛ ka hɛrɛ sɔrɔ u ka denbaya kɔnɔ wa?” Efesekaw 5:33 kalan, ka jaabi makɔnɔ. O kɔfɛ kalansen 14nan jira a la.

N’i y’a jira i barokɛɲɔgɔn na kaban Bibulu-kalan bɛ kɛ cogo min na, ni o kɔfɛ, i ye Bibulu-kalan kɛ a kun siɲɛ fila, ani ni dalilu b’i bolo min b’a jira ko kalan bɛna taa ɲɛ, o tuma na i bɛ se k’a sɛbɛn ko Bibulu-kalan kelen b’i bolo.