Ladɔnniyaliw

◼ Sɛbɛn jirataw Zanwuyekalo la: Gafe o gafe bɔra san 1991 ɲɛ, ni olu maralen bɛ jɛkulu bolo, o gafew bɛɛ bɛ se ka jira. Ni nin gafe kofɔlenw si maralen tɛ jɛkulu kɔnɔ, aw k’a lajɛ n’aw bɛ se ka gafe kɔrɔ dɔw sɔrɔ jɛkuluw bolo minnu ka surun aw la, walisa aw ka se ka baara kɛ ni o gafew ye. Gafe kɔrɔw tɛ jɛkulu minnu bolo, olu bɛ se ka L’humanité à la recherche de Dieu gafe jira. Ni an barokɛɲɔgɔn ma sɔn o gafe la, i ka Veillez ! gafenin jira a la. Feburuyekalo la: Approchez-vous de Jéhovah. O gafe tɛ jɛkulu minnu bolo, olu bɛ se ka Révélation : dénouement gafe jira, walima gafe kɔrɔ wɛrɛ min maralen bɛ jɛkulu kɔnɔ. Marisikalo la: Qu’enseigne réellement la Bible ? gafe. Aw ye cɛsiri kɛrɛnkɛrɛnnenw kɛ walisa aw ka Bibulukalanw daminɛ. Awirilikalo la: La Tour de Garde ani Réveillez-vous ! kelen-kelen bɛ jira. Ni aw bɛ segin ka taa bɔ mɔgɔw ye, minnu y’a jira ko kibaru duman ka di u ye, ani minnu nana Hakilijigin na ani/walima minnu nana jɛkulu ka ko labɛnnen dɔ kɛnɛ kan nka u nɔrɔlen tɛ Jehowa ka jamakulu la, aw ka aw timinandiya ka Qu’enseigne réellement la Bible ? gafe bila u bolo. An kuntilenna ka kan ka kɛ Bibulu-kalan daminɛni ye o gafe kɔnɔ.

◼ Ikomi dɔgɔkun dafalen duuru de bɛ Awirilikalo la, kalo ɲuman don walisa ka kɛ tutigɛbaga farankan ye.

◼ K’a daminɛ Feburuyekalo la, ka na a bila Marisikalo tile 5 la, nka a kana tɛmɛ o kan, kafo lakɔlɔsibagaw ka jɛmukan kura bɛna kɛ: “Vous pouvez connaître une vie paisible, maintenant et pour toujours.” (Aw bɛ se ka ɲɛnamaya kɛ lafiya la sisan ani badaa!)

◼ Jɛkuluw ka kan ka fɛɛrɛ bɛnnenw tigɛ walisa u ka se ka Hakiligin kɛ ɲinan Awirilikalo tile 12, tile binnen kɔ. Hali ni jɛmu bɛna daminɛ joona, taamasiyɛnw latɛmɛni man kan ka daminɛ fo tile binnen kɔfɛ. Tile bɛ bin lɛrɛ min na aw ka yɔrɔ la o don na, aw k’a ɲini k’o dɔn sigida faamaw fɛ. Jɛkulu bɛɛ ka kan k’u ka Hakiligin kɛ u danna. Nka o tɛ se ka kɛ tuma bɛɛ. Ni jɛkulu caman jɛlen bɛ Masaya So kelen na yɔrɔ minnu na, laala, jɛkulu kelen walima jɛkulu damadɔw bɛ se ka yɔrɔ wɛrɛ sɔrɔ o don su kama. Ni a bɛ se ka kɛ yɔrɔ min na, aw bɛ se ka sanga 40 don lajɛw ni ɲɔgɔn cɛ walisa bɛɛ ka se ka nafa sɔrɔ o la ka ɲɛ. Jateminɛ ka kan ka kɛ bolifɛnw, ani jɔyɔrɔ ko la, ka fara mɔgɔw tali ni u jiginni ko la. Maakɔrɔ kulu de ka kan k’a latigɛ labɛn minnu ka ɲi ka tɛmɛ a bɛɛ kan sigida la.

◼ N’i y’a boloda tuma o tuma ka taa taama na, wa ni o taama senfɛ, i y’a boloda fana ka taa jɛkulu ka lajɛw la, jamalajɛ dɔ walima kafoba ka jamalajɛ la jamana wɛrɛ la, i bɛ kunnafoni minnu ɲini u kɛdonw, u kɛlɛrɛw ani u kɛyɔrɔw kan, o lɛtɛrɛ ka kan ka ci Tɔn bolofara ma min bɛ o yɔrɔw kow kunna. Tɔn bolofaraw ka ladɛrɛsi bɛ sɔrɔ Annuaire gafe kɔnɔ min b’an bolo sisan, a ɲɛ laban na.