Kafo ka jamalajɛ kalan bolodalen kura

Nin diɲɛkɔrɔba tolilen in laban donw na, a nafa ka bon kosɛbɛ an ka an ka finiw to an kan na Alabatosira ta fan fɛ la la, ani ka an ka Kerecɛnya jogo lakana. (Jir. 16:15) O la sa, a bɛnnen don ala-ka-marako san 2006 kafo ka jamalajɛ kalanbolodalen kumakun ka kɛ nin ye: “Aw ka mɔgɔya kura don aw yɛrɛ la.”​—Kol. 3:​10.

Don fɔlɔ: Sɛnposium fɔlɔ tɔgɔ ye ko “An ka mɔgɔya kura cogoya caman jira.” An bɛ se cogo min na ka mɔgɔya kura sɛnɛ an na, ni o bɛna an nafa an ka ɲɛnamaya yɔrɔ caman na, sɛnposium bɛna sinsin o kan. An bɛ se ka mɔgɔya kura sɛnɛ an na cogo jumɛn na? O bɛna ɲɛfɔ don fɔlɔ jɛmukan laban fila kɔnɔna na. O jɛmukanw tɔgɔw ye ko: “Aw ka aw yɛrɛ kolo walisa aw ka taasi cogo tilennen na,” ani “Kalan min bɛ mɔgɔya kura labɛn ka ɲɛ.”

Don filanan: An bɛ baara kɛ cogo min na ni an nɛnkun ye, mɔgɔya kura bɛ nɔ bila o la cogo min na, o bɛna ɲɛfɔ sɛnposium filanan na, min tɔgɔ ye ko “Aw ye aw nɛnkun baara a ka kɛ hakilitigi nɛnkun ye.” Foroba jɛmu kumakun ye ko: “Yala aw ye se sɔrɔ juguman kan wa?” O bɛna sinsin a kan ko an mago bɛ min na, o ye ka an yɛrɛ kɔlɔsi Sitanɛ ka fɛɛrɛw la. Kafo ka jamalajɛ jɛmukan laban fila tɔgɔ ye ko: “Aw ye aw yɛrɛ mara walisa aw nɔgɔlenw kana sɔrɔ diɲɛ fɛ” ani “An ye mɔgɔ sugu min ye an kɔnɔna na, an ka kan ka o kuraya don o don.” O jɛmukanw bɛna an dɛmɛ ka an yɛrɛ tanga kɛcogow ni taamacogo la minnu bɛ Ala ka sira tilennenw kɛlɛ, ani ka an dɛmɛ an sinsinnen ka to an ka bato la Jehowa ye.

An kɔrɔtɔlen de bɛ ka dusu-don-kɔnɔ in sɔrɔ walisa ka mɔgɔya kura don an na, ka o to an na fana.