Aw ye teliya ka taa bɔ u ye

Aw ye teliya ka taa bɔ jɔni ye? O ye mɔgɔw ye minnu y’an ka sɛbɛnw ɲini, walima minnu b’a fɛ ka sɔn-ni-sɔn gafeninw sɔrɔ tuma bɛɛ, walima minnu b’a fɛ Jehowa Seere dɔ ka taa bɔ u ye u ka so. Mɔgɔ jumɛnw ye o fɛnw ɲini? O ye mɔgɔw ye minnu ye bataki walima telefɔni ci Tɔn bolofara ma ka o fɔ a ye. Ni mɔgɔ dɔ ye o mago sugu jira, Tɔn bolofara bɛ baara kɛ ni S-43 ye, ka jɛkulu ladɔnniya min bɛ o tigi ka sigida la. S-43 ye sɛbɛnfuranin ye min tɔgɔ ye ko: “Veuillez suivre l’interêt.” Ni maakɔrɔw ye o sɛbɛnfura sɔrɔ, o yɔrɔnin bɛɛ la, u ka kan ka o di weleweledala dɔ ma min bɛna a cɛsiri ni timinandiya ye ka to ka taa bɔ o tigi ye. Ni a gɛlɛyara weleweledala ka se ka o tigi ye a ka so, weleweledala bɛ se ka o tigi lasɔrɔ telefɔni fɛ, walima a kɛtɔ ka sɛbɛn dɔ kɛ k’o bila a bara, nka a b’o ɲɛmadogo mɔgɔw la. Ni a ɲinina i fɛ ka taa bɔ o mɔgɔ sugu ye, i ka i jija cogo bɛɛ la walisa ka se ka o tigi ye teliya la.