Ɲiɲinkaliw Jaabi

◼ Ni an bɛ seereya kɛ telefɔni fɛ, yali an ka kan ka fɛɛrɛw ɲɛfɔ wa, minnu tigɛra bolomafara ko la?

Ni an bɛ ka seereya di mɔgɔ ma, an ɲɛ ni a ɲɛ, an bɛ se k’a ɲɛfɔ ko Jehowa Seerew bɛ bibulu kalan baara min kɛ diɲɛ bɛɛ kɔnɔ, ko o baara musakaw bɛɛ bɛ ɲɛnabɔ ni waari ye, mɔgɔw bɛ a bɔ u yɛrɛ la ka min di. Ani fana a ka di an ye ka o bolomafara suguw minɛ. Nka o bɛɛ n’a ta o ta, bolomafara ko kuma si, walima ɲɛfɔli si mankan ka kɛ bolomafara fɛɛrɛ sigilenw kan telefɔni na. Bawo kɔrɔ bɛ se ka don o la, ka o kɛ fɛnɲini kan ye telefɔni fɛ. Jehowa Seerew ka cidenyabaara mumɛ si tɛ jago ye.​—2 Kɔr. 2:​17.

◼ Ni an bɛ ka seereya kɛ telefɔni fɛ, an ka kan ka mun de kɛ, ni dɔ y’a fɔ ko ale tɛ a fɛ tun Jehowa Seerew ka telefɔni ci ale ma?

An ka kan ka a tigi ka kuma bɔ a sira fɛ. O kunnafoni sɛbɛnnen ka kan ka bila jɛkulu ka waajulikɛyɔrɔ dantigɛli sɛbɛn (karati) marayɔrɔ la. O kunnafoni sɛbɛn kɔnɔ, o tigi tɔgɔ bɛ sɛbɛn. A kuma fɔra don min, o don bɛ sɛbɛn kunnafoni sɛbɛn kɔnɔ. O la sa weleweledalaw bɛna weleli dabila ni o nimoro ye don nataw la. Siɲɛ kelen san kɔnɔ, mɔgɔ dama minnu y’a ɲini mɔgɔ kana u wele, segin bɛ kɛ olu tɔgɔ lisi kan, ka yɛlɛma kuraw don a kɔnɔ. Foro baara lakɔlɔsibaga ka ɲɛmɔgɔya kɔnɔ weleweledala minnu bɛ baara ɲɛdɔn kosɛbɛ ni u bɛ mɔgɔ minɛ cogo dɔn, a bɛ se ka ɲini olu fɛ u ka taa bɔ o mɔgɔ suguw la walisa a k’a dɔn ni u ka miiriya ma yɛlɛma.​—Zanwuyekalo, San 1994 An ka Masaya Cidenyabaara kɔnɔ, Ɲininkaliw Jaabi yɔrɔ mafilɛ.