I mago don ni kanuya ye “falatɔ fantanw” la

¹ Jehowa ye “falatɔw fa ye.” (Zab. 68:⁠5) A b’a mago sɛbɛ don u la, hɛrɛ ta fan fɛ. O bɛ ye, a ka ci kɔnɔ, a ye min fɔ Isirayɛli jamanamɔgɔw ye, lawale la: “I kana muso cɛ salen, wala falatɔ tɔɔrɔ. N’i yɛ u tɔɔrɔ, ni u kasira ne nɔ fɛ, ne na u kasikan lamɛn.” (Ekisode 22:​22, 23) Ala ka kuma yɛ fɛɛrɛw kofɔ fana walisa ka o mɔgɔ suguw dɛmɛ u magomafɛnw ko la. (Dut. 24:​19-​21) Kɛrɛcɛnya siratigɛ la, a jagoyalen don, Ala batobaga sɛbɛw ma, u ka taa bɔ falatɔw ni musow ye minnu furucɛ sara, u ka tɔɔrɔ kow la’. (Yak. 1:​27) Denmisɛn dɔw bɛ ka lamɔ bangebaga kelen bolo, walima u bɛ ka lamɔ du kɔnɔ min kɔnɔmɔgɔw tɛ diinɛ kelen na. Jehowa bɛ a mago don o mɔgɔ suguw la cogoya min na, an bɛ se ka o ladege cogo di?

² K’i yɛrɛ Ladege Alako la: N’i kelenpe de bɛ i denw ladon walima ni i furuɲɔgɔn tɛ dannamɔgɔ ye, i kelen ka Bibulu kalan kɛ ni i denw ye, o bɛ se ka kɛ kɔrɔbɔli ko ye. Nka walisa denw ka lamɔ, ka u basigi, ka kɛ baliku mɔlenw ye, fo ka Bibulu kalan kɛ tuma bɛɛ ni u ye, a ka kɛ kalan ye denbaya mago bɛ min na, kuntilenna jɔnjɔn bɛ min na. (Nta. 22:⁠6) Ka to ka baro fana kɛ ni u ye don-o-don, alakow kan, o jɔyɔrɔ ka bon. (Dut. 6: 6-9) Tuma dɔw la, i dusu bɛ tiɲɛ, nka i kana i yɛrɛ to dusutiɲɛ bolo. I ɲɛsin Jehowa ma a ka fanga di i ma, ka sira jira i la, i ka “denw lamɔ ni Jehowa ka kololi ni a ka laadili ye.”​—⁠Efe. 6:⁠4.

³ Ni i mago bɛ dɛmɛ la, walisa i ka se k’i jɔyɔrɔ fa, ala ka kuma b’a ɲini i fɛ cogo min, a to diinɛ maakɔrɔw k’a dɔn. U na se ka fɛɛrɛw jɔnjɔnw jira i la walima ka i dɛmɛ walisa i ka se ka taamacogo ɲuman sɔrɔ alako ta fan fɛ, i ka denbaya kɔnɔ.

⁴ Tɔw bɛ se ka dɛmɛ min don: San kɛmɛ fɔlɔw la Yesu tile la, Timote kɛra Jehowa batobaga timinandi ye hali k’a sɔrɔ a bɛ lamɔ la denbaya kɔnɔ min kɔnɔ mɔgɔw bɛ tɛ diinɛ kelen na. A bamuso ni a mɔmuso y’u jija, k’u timinandiya, ka a kalan Bibulu sɛbɛnniw la, a ka denmisɛnya kɔnɔ. Siga t’a la, o baara jɔyɔrɔ bonyana kosɛbɛ. (Kɛwalew 16:​1, 2; 2 Tim. 1:5; 3:​15) O bɛ n’a ta, a ye nafa sɔrɔ fana ka bɔ jɛɲɔgɔnya la ni a balima kɛrɛcɛn tɔw ye, ciden Pol sen bɛ o la, o min ye a wele ko “a denkɛ kanulen. . .Matigi la.”​—⁠1 Kɔr. 4:​17.

⁵ O cogo kelen fana na, bi bi in na, nafa ba bɛ a la, ni balimakɛ ani balimamuso mɔlenw b’u mago don ni kanuya ye, falatɔw la jɛkulu kɔnɔ, a kɛra cɛmisɛnni ye o wala musomani ye! O dama min bɛ aw ka jɛkulu kɔnɔ, i bɛ u bɛɛ kelen-kelen tɔgɔw dɔn wa? I bɛ baro kɛ ni u ye wa, ni aw nana lajɛw la ani tuma wɛrɛw la wa? A ɲini u fɛ u ka bɔ ni i ye waajuli la. A bɛ se ka kɛ, ko tuma ni tuma, i bɛ u ni u bangebaga sen don i ka denbaya ka kalan na walima i ka nisɔndiya ɲɛnajɛw la. Ni nin denmisɛnin suguw bɛ i filɛ u teri ye, u bɛ a ɲini cogo bɛɛ la, ka i jogo ta, wa u bɛ sɔn i ka dusudon kuma ma. ​—⁠Filipe. 2:⁠4.

⁶ Jehowa bɛ a mago ba de don falatɔw la, a cɛmisɛnniw fara a musomaniw kan, wa an bɛ jija walew minnu na, ka u dɛmɛ ni kanuya ye u ka tiɲɛ minɛ ni sɛbɛ ye, Jehowa bɛ ka sara ɲuman di o la. Mɔgɔ caman lamɔna bangebaga kelen dɔrɔn bolo, walima u lamɔna du kɔnɔ min kɔnɔ mɔgɔw fara faralen bɛ. Olu ye nin dusudon ɲɔgɔn sɔrɔ. U caman ye tutigɛbagaw ye sisan, dɔw ye maakɔrɔ kankɔrɔsigiw ye jɛkuluw kɔnɔ, dɔw ye maakɔrɔw ye, dɔw ye lakɔlɔsibaga taamakɛlaw ye, dɔw ye misiyɔnɛriw ye walima Betɛli kɔnɔ mɔgɔ ye. An bɛɛ k’a ɲini ka siraw ta walisa ka an “ka kanuya bonya” ka ɲɛsin falatɔw ma. O cogo la an bɛ an sankolo la Fa ladege.​—⁠2 Kɔr. 6:​11-​13.