Tɔw dɛmɛ walisa u ka bonya da Jehowa kan
1 Kibaruya ɲɛnamaba bɛ ka weleweleda mɔgɔw ye dugukolo fan bɛɛ la: ‘Aw ye siran Ala ɲɛ ka a bonya, katuguni a ka kiri tigɛ waati sera. O la sa, ale Kelenpe min ye sankolo ni dugukolo ni kɔgɔji ni ji buyiw da, aw ye o bato.’ (Jir. 14:6, 7) Ka an sen don o weleweledali la, o ye bonya ye an bolo. Mɔgɔw ka kan ka mun dɔn Jehowa ko la walisa u ka siran a ɲɛ ka a bato?
2 A Tɔgɔ: A tɔgɔ fɛ, mɔgɔw ka kan ka se ka Ala sɛbɛ, Ala kelenpe faranfasiya ka bɔ ala nkalomaw la, minnu bɛ bato bi. (Dut. 4:35; 1 Kor. 8:5, 6) Tiɲɛ na, Bibulu sɛbɛnbagaw ye Jehowa tɔgɔ dawulama sɛbɛn a ka ca ni siɲɛ 7000 ye. Hali ni an bɛ ka jateminɛ jɔnjɔn kɛ waati la, walisa ka Ala tɔgɔ jira mɔgɔw la, an man kan abada k’a dogo, walima ka an yɛrɛ minɛ a fɔli ma. Ala sagonata ye siyaw bɛɛ ka se ka ale tɔgɔ dɔn.—Zab. 83:18.
3 Jogo minnu bɛ a danfara ka bɔ tɔw la: Walisa u ka se ka bonya da Jehowa kan, siyaw ka kan k’a dɔn Jehowa ye Ala sugu min ye. An ka kan ka u ladɔnniya a ka dakabana kanuya la, a ka hakilitigiya min bɛ hakilitigiyaw bɛɛ kunna, a ka tilennenya dafalen, ani a ka fanga min bɛ fangatigiya bɛɛ kunna, ka fara a ka makari kan, a ka ɲumanya ani a ka dakabana jogo wɛrɛw kan. (Ekis. 34:6, 7) U ka kan ka Alaɲɛsiran dege min bɛ na ni kisi ye, k’a dege ka bonya da Ala kan, k’a dɔn tiɲɛ na, ko ni Jehowa bɛ sɔn u la, u ka ɲɛnamaya yɛrɛ sirilen bɛ o de la.—Zab. 89:7.
4 Ka magɛrɛ Ala la: Walisa u ka kisi Ala ka kiri natɔla in ma, siyaw ka kan ka Jehowa wele a ka u kisi, limaniya kɔnɔ (Rom. 10:13, 14; 2 Tes. 1:8). O kɔrɔ ye ko an kana dan Ala tɔgɔ ni a jogow dɔnni dɔrɔn ma. An ka kan ka mɔgɔw dɛmɛ u kelen-kelen ka se ka sira bɔ u ni Jehowa cɛ, k’u ka dannaya bɛɛ da Jehowa kan ni u dusukun bɛɛ ye (Nta. 3:5, 6). U bɛ min kalan, ni u bɛ o waleya u ka ɲɛnamaya kɔnɔ, k’u ɲɛsin Jehowa ma ni delili sɛbɛw ye, ani ni u bɛ to ka a ka dɛmɛ ye u ka ɲɛnamaya kɔnɔ, u ka limaniya bɛ kɔgɔ ka taa a fɛ, wa, o bɛ u dɛmɛ u ka magɛrɛ kosɛbɛ Jehowa la. —Zab. 34:8.
5 An ka Jehowa tɔgɔ weleweleda ni timinandiya ye, ka mɔgɔw tɔw dɛmɛ u k’u ka dannaya bɛɛ da a kan, ka siran a ɲɛ. An ka kan ka se hali bi, ka mɔgɔ caman wɛrɛw dɛmɛ u ka Jehowa dɔn, ka bonya da a kan iko u ‘kisili tigi Ala.”—Zab. 25:5.