I bɛ se k’i yɛrɛ balo ka ɲɛ cogo di alako ta fan fɛ?

¹ A bɛ fɔ ko ‘an bɛ balo fɛn min na, k’an bɛ kɛ o de ye.’ Sɛbɛ la, an ka dumunifɛn delinaw nɔ bɛ ye an fari la fanga n’an ka kɛnɛya la. Yesu y’a fɔ ko: “Dumunifɛn dama tɛ mɔgɔ balo, kuma o kuma bɛ bɔ Ala da la, a bɛ balo o de la.” O la, an delilen don ka dumuni kɛ cogo min na alako ta fan fɛ, o nɔ ɲuman walima o nɔ jugu bɛ ye an na. (Mat. 4:⁠4) O la sa, i b’i yɛrɛ balo alako ta fan fɛ cogo jumɛn na? Yali i ye dumunikɛla gɛlɛn ye wa? Yali i bolibagatɔ de bɛ dumuni kɛ wa? Walima, yali i nisɔndiyalen bɛ waati ta ka alako dumuni nafama diya bɔ sɔn, cogo damakɛɲɛlen na wa?

² I balocogo sɛgɛsɛgɛ: Jehowa bɛ ‘dumuni di a tuma la, ka fɛn tulumaw dumuniba dila jɔnkɛ hakilima dannamɔgɔ’ bolo fɛ. (Mat. 24:45; Esa 25:6) Walasa ka nin fɛɛrɛw tɔnɔbɔ ka se u dan na, fɛɛrɛ minnu tara ni kanuya ye, an ka kan k’an jija kosɛbɛ ka dumuni kɛ ka ɲɛ alako ta fan fɛ.

³ I bɛ se k’i yɛrɛ ɲininka, ko: ‘Yali n bɛ don tɛmɛsira n’a ɲɛfɔli kumaw kalan don o don wa? Yali n bɛ Bibulu yɔrɔ dɔ kalan ka n hakili jakabɔ o kan don o don wa? Yali n bɛ jɛkulu ka lajɛw labɛn, ka kɔn k’u kalan wa? Yali n bɛ sɛbɛn kuraw kalan wa, La prophétie d’Isaïe, lumière pour tous les humains I b’o la?

⁴ Yesu ye layidu ta, ko: “Hɛrɛ bɛ mɔgɔw ye minnu b’u magow kala ma alako ta fan fɛ . . . Tilennenya kɔngɔ n’a minnɔgɔ bɛ mɔgɔ minnu na, hɛrɛ bɛ olu ye, katuguni u na fa.” (Mat. 5:3, 6 NW) Wa, n’i bɛ dumuni kɛ ka ɲɛ, i na i barika bonya ka kɛnɛya sɔrɔ alako ta fan fɛ.