San 2001 Ala-ka-marako Cidenyabaara Kalan
1 Dalilu caman bɛ Bibulu kɔnɔ, dalilu minnu kosɔn an bɛɛ ka kan k’an seko damajira kɛ walasa k’an niyɔrɔ kɛ Ala-ka-marako Cidenyabaara Kalan na.—Nta. 15:23; Mat. 28:19, 20; Kɛw. 15:32; 1 Tim. 4:12, 13; 2 Tim. 2:2; 1 Piɛ. 3:15.
2 Kabini waati jan, dɔgɔkun Bibulu kalan bolodasira ye Kalan kɔnɔko ye. O bɛ bɛn Bibulu furaɲɛ kelen kalan ma don o don. K’a daminɛ ɲinan na, seginnkanni sɛbɛnnen dɔgɔkun kelen-kelen bɛɛ la, an na Bibulu sigida bolodalen dɔw kalan. Bibulu kalan dankan min tun bolodara san saba tɛmɛnenw na, o banna sisan. Nka, n’i b’a fɛ ka dɔ fara Bibulu yɔrɔ kalanta bolodalenw kan, i bɛ se k’i yɛrɛ ka kalan bolodasira labɛn.
3 Kalansen 2 nan bɛ balimakɛw dege Ala ka Kuma ‘kalan na mɔgɔw ɲɛ na.’ (1 Tim. 4:13) Kalansen mana di i ma, i k’i dege a la siɲɛ caman i kan yɛlɛnnen. Bibulu kasɛti lamɛnta minnu dilanna Tɔn fɛ, i bɛ se k’olu kɛ ka kumaw fɔcogo ni kanhakɛ ani kalan ɲuman ɲɛ wɛrɛw kɛ ka ɲɛ.
4 Kalansenw 3 nan ni 4 nan bɛ bɔ Comment raisonner gafe la min dilanna foro baara kama. Ni kalan kɛta ka ca waati latigɛlen ma, i ka kalanyɔrɔw ɲɛnatɔmɔ, kalanyɔrɔw dɔrɔn minnu bɛ bɛn i ka jɛkulu ka wajulikɛyɔrɔ magow ma. Ko kɛyɔrɔ fɛn o fɛn bɛ bɛn i ka wajulikɛyɔrɔ ma, i bɛ se k’o ta.
5 Kalansenw bɛɛ minnu bɛ d’i ma kalan hukumu kɔnɔ, i ka cɛsiriw kɛ k’u kɛ ka ɲɛ. I ka waati ta k’i labɛn ka ɲɛ. I ka kuma n’i dusukun ye. I na kɛ dusulamin sababu ye jɛkulu bolo, wa, e yɛrɛ na nafa sɔrɔ n’i b’i niyɔrɔ kɛ n’i dusukun bɛɛ ye Ala-ka-marako Cidenyabaara Kalan na san 2001 kɔnɔna na.