Ɲininkaliw Jaabi

◼ Jɔn ka kan ka kafoba ka jamalajɛ taamasiyɛn sɛbɛn sɔrɔ?

Kafoba ka jamalajɛ baji (badge) ye taamasiyɛn sɛbɛn ye min bɛ dulon disi la. O nafa ka bon kosɛbɛ walasa k’an balimaw dɔn, ani ka mɔgɔw ladɔnniya jamalajɛ ko la. Nka, o na ta o ta, u man kan ka di mɔgɔw bɛɛ ma. O sɛbɛn bɛ mɔgɔ min bolo, o b’a jira ko tɔgɔ ɲuman b’o tigi la Jehowa Seerew ka jɛkulu kɛrɛnkɛrɛnnen dɔ kɔnɔ.

O tigi tɔgɔ, an’a ka jɛkulu tɔgɔ bɛ se ka kɛ taamasiyɛn sɛbɛn kan. O la sa, taamasiyɛn sɛbɛn tigi ka kan ka kɛ o jɛkulu jɛɲɔgɔn ye cogo bɛnnen na. Tɔn bɛ bajiw ci jɛkulu kelen-kelen bɛɛ ma. O ye ko bɛnnen ye ka taamasiyɛn sɛbɛn di weleweledala batiselen ni batisebali kelen kelen bɛɛ ma. Ka fara olu kan, denmisɛnninw ani mɔgɔ wɛrɛ minnu bɛ na tuma bɛɛ jɛkulu ka lajɛw la, n’u ye ɲɛtaaw kɛ fo u bɛ se k’u sen don foro cidenyabaara la, olu fana bɛ se ka kelen sɔrɔ a la. A bɛnnen tɛ k’a di mɔgɔ gɛnnen ma.

Ni sɛbɛnw sɔrɔla, maakɔrɔw ka kan k’u tila ka kɛɲɛ ni nin ɲɛbilakumaw ye.