An ka Bonheur familial gafe jira mɔgɔw bɛɛ la, u si kɛra fɛn o fɛn ye
1 Ka bɔ Kalifɔrni, den dɔ min si ye san 11 ye, a y’a ka waleɲumandɔn jira Le secret du bonheur familial gafe ko la. A y’a sɛbɛn ko: “O waleɲumandɔn bɛ ne na, wa n’ bɛ denbaya tɔw dusu lamin u k’o gafe kalan bawo fɛnba don. A ye . . . an ka denbaya fana dɛmɛ ka bɛn ni hɛrɛ sɔrɔ an ka du kɔnɔ.” Nin denmisɛn in ka ko ka kan ka dusu don an bɛɛ kɔnɔ walisa an ka Bonheur familial gafe jira mɔgɔw la u si kɛra fɛn o fɛn ye. Hakilinata damadɔw de filɛ nin ye yan, i bɛ se ka minnu lajɛ i ka cidenyabaara la Feburuyekalo kɔnɔna na.
2 N’i ye funankɛ dɔ bɛn, i bɛ se k’a fɔ ko:
◼ “I filan caman bɛ miiri furu la. Nka, o ko la, i bɛ se ka danna kunnafoniw sɔrɔ min? [A to a k’i jaabi.] Funankɛw b’a fɔ tuma caman na k’u jɛyalen t’a la n’u labɛnnen don furu kama. Nin gafe in bɛ min fɔ o barokun kan, a to n’ ko fɔ i ye.” Bonheur familial gafe ɲɛ 14nan ta ka dakun 3nan kalan. O kɔfɛ, masalakun tilayɔrɔba kelen-kelen bɛɛ jira. A fɔ a ye ko gafe bɛ se ka to a bolo. I ka labɛn kɛ walisa ka segin ka na.
3 N’i bɛ baro kɛ ni denbatigi dɔ ye, i bɛ se k’a fɔ ko:
◼ “Kunnafoni nafama minnu bɛ sira don mɔgɔ kɔrɔ, n’u nɔ ɲuman yera denw lamɔcogo la, an b’a fɛ k’u fɔ denbatigiw ye. U farala ɲɔgɔn kan nin gafe in kɔnɔ, n’o ye Le secret du bonheur familial ye.” Ɲɛ 55nan ta. A dakun 10nan kalan. O kɔfɛ, dakun 11nan na, Duterɔnɔmɛ 6:6, 7 kalan. Kumasen minnu bɛ italike sɛbɛnniw la dakunw 12nan kɔnɔ ka na 16nan na, olu jira. I ka taa’ fɛ k’a fɔ ko: “Nin gafe ye mɔgɔ caman dɛmɛ ka taɲɛba sɔrɔ, u ka bangebagaya baara la. N’i b’a fɛ k’a kalan, a bɛna diya n’ ye k’a kelen to i bolo.”
4 N’i bɛ kuma mɔgɔkɔrɔba dɔ fɛ, i bɛ se k’a fɔ ko:
◼ “Ni n’ ye nin kuma surun in kalan ka ban, yali i tɛ se k’a fɔ n’ ye i bɛ mun miiri o la wa?” Bonheur familial gafe dayɛlɛ a ɲɛ 169nan na, a dakun 17nan kumasen fila fɔlɔw kalan. O kɔfɛ, a ɲininka a ka jaabi la. Ka kɛɲɛ n’a ka jaabi ye, i bɛ se ka gafe yɔrɔ wɛrɛw kalan sanni i k’a to a bolo.
5 An kɛtɔ k’an mago don Bonheur familial gafe bilalenw na, an k’a to an hakili la k’a ɲini ka Bibulu kalan dɔ daminɛ. Wajibiya gafenin . kalansen 8nan, walima Dɔnniya gafe masalakun 15nan, olu bɛ se ka kɛ yɔrɔw ye minnu bɛnnen don walisa ka kalan daminɛ. O senfɛ, an k’an jija ka mɔgɔw dɛmɛ, u si kɛra fɛn o fɛn ye, u ka denbaya ka ɲɛnamaya hɛrɛma dɔ jɔ Krecɛnya la.