N’ b’a fɛ ka mɔgɔ fɛ Bibulu kalan daminɛ!

¹ An caman da sera o nege in ma, k’a da kun ɲuman kan. Bibulu kalan baara de b’a to an k’an kuntilenna dafa, o min ye kalanden kuraw kɛli ye. (Mat. 28:19, 20) Wa hali bi, anw na mɔgɔ caman ye kalo caman kɛ, a dɔ la san caman yɛrɛ, k’a sɔrɔ u ma nisɔndiya kɛrɛnkɛrɛnnen dɔn, nisɔndiya min bɛ sɔrɔ mɔgɔ wɛrɛ kalanni na tiɲɛ ko la. An bɛ se ka mun kɛ o ko la Nowanburukalo kɔnɔna na? Ikomi Dɔnniya gafe bɛ jira o kalo la, an bɛ se ka magan kɛrɛnkɛrɛnnenw kɛ ka Bibulu kalan kuraw daminɛ n’o ye.

² Dɔgɔkun-laban kelen wala caman bila kɛrɛ fɛ: An bɛ dusu don bɛɛ kelen-kelen na ka waati dɔ bila kɛrɛ fɛ nin kalo la walisa maganw bɛɛ ka sin Bibulu kalan kuraw daminɛ ma. Jɛkulu ka Gafe Kalan ɲɛminɛbagaw ka kan ka dɔgɔkun-laban dɔ(w) sugandi, dɔgɔkun-laban minnu bɛ kɛrɛnkɛrɛn o kuntilenna kama ani o kɔ, a ka kan u ka kuluw labɛn walisa ka se ka maganw fara ɲɔgɔn kan segin-ka-bɔnye baara la.

³ I ka taa n’i ka segin-ka-bɔnye kunnafonisɛbɛnw ye baara ka lajɛ kelen-kelen bɛɛ la. O kɔ, i ka taa bɔ mɔgɔ fɛn o fɛn ye min ye mago jira kɛ, wala a ye sɛbɛn ta, wala a taara lajɛ la. I ka o bɔnye kelen-kelen bɛɛ kɛ ni kuntilenna kɛrɛnkɛrɛnnen ye n’o ye ka kalan daminɛ.

⁴ Bibulu kalan kɛcogo ɲɛjira: Baara ka lajɛ senfɛ, ɲɛjirali bɛna kɛ, ɲɛjirali labɛnnen koɲuman min b’a jira cogo min na kalan bɛ daminɛ segin-ka-bɔnye senfɛ. I bɛ se k’a fɔ ko: “Bibulu bɛ mɔgɔ caman bolo, nka u t’a dɔn ko jaabiw b’a kɔnɔ ka ɲɛsin an bɛɛ ka ɲɛnamaya kɔnɔ ɲininkalibaw ma. [I ka tilaw lajɛyɔrɔ jira Dɔnniya gafe kɔnɔna na, ka tila ka masalakunw 3nan ni 5nan ni 6nan ni 8nan ni 9nan dantigɛlanw kalan.] I kɛtɔ ka nin dɛmɛlan kɛ ka kalan kɛ lɛrɛ kelen ɲɔgɔnna na dɔgɔkun kɔnɔ, i bɛ se ka Bibulu faamuyali jujɔn sɔrɔ kalo damadɔw dɔrɔn kɔnɔ. N’a ka di’ ye ka nin barokunw dɔ la kelen sugandi, ne na nisɔndiya ka baara boloda cogo jira i la.” N’a tigilamɔgɔ bɛ siga-siga ka kalan kɛ k’a da a ka kɛta caya kan, i k’a ɲɛfɔ a ye ko bolodasira surunman fana b’an bolo. I ka Wajibiya gafenin dajira’ la. I ka fɔ a ye ko i sago bɛ ka kalansen surunman kelen kalan n’a ye, kalansen min bɛ dan sanga 15-30 ma dɔgɔkun kɔnɔ.

⁵ N’an bɛɛ bɛ an ka maganw kɛ kelen ye walisa ka kalanw daminɛ ani n’an b’a deli Jehowa fɛ a ka duba an ka cɛsiriw ye, an ka da’ la k’an na kalan kuraw sɔrɔ! (1 Yuh. 5:14, 15) N’i bɛ Bibulu kalanw fɛ, nin bɛ se ka kɛ kelen daminɛ waati ye.