Aw ka ɲininkaliw jaabi

◼ Ni jɛkulu ka baara kulunin mɔgɔ dɔ y’a ɲini, yali a bɛ bɛn hali sa ka Bibulu kalan ni balimakɛ wala ni balimamuso walekɛbaliw ye wa?

Maakɔrɔw jɔyɔrɔ don ka jɛkulu mɔgɔw lakalan, hali minnu kɛra walekɛbaliw ye. U bɛ taa bɔ u ye ani ka miiri dɛmɛ ko la, u bɛɛ kelen-kelen mago bɛ min na. A ka kan tuma dɔw la, ka Bibulu kalan kofɔ mɔgɔ walekɛbali ye. Organisés pour bien remplir notre ministère kɔnɔna na, a ɲɛ 103nan na, a jiralen bɛ ko jɛkulu ka baara kulunin de b’a latigɛ min ni min ka kan ka o kɔkɔrɔdonni ɲɔgɔnna sɔrɔ.

Mɔgɔ min bɛ se ka dɛmɛ don koɲuman, kalan minnu ka kan ka mafilɛ ani sɛbɛn min bɛnnen don kosɛbɛ, baara lakɔlɔsibaga de b’o latigɛ. A dɔ la, weleweledala walekɛbali ka karamɔgɔ fɔlɔ wala a dɔnmɔgɔ min ko ka di a ye, olu bɛnnen don a dɛmɛni na. A bɛ se ka ɲini balimamuso senkola kɔgɔlen fɛ hakili ta fan fɛ, a ka balimamuso walekɛbali dɔ kɔkɔrɔdon. Tuma caman na, kun t’a la weleweledala wɛrɛ ka kalan ɲɛminɛbaga bilasira. Ni kalan ɲɛminɛli kofɔra mɔgɔ sugandilen ye, a bɛ se k’a ka waati ni segin-ka-bɔnyew ni kalan jate.—San 1987 Nowanburukalo ka Le ministère du Royaume lajɛ, a ɲɛ 1-2nan na.

Kalan bɛ kɛ min kun, ikomi o batiselen don, tuma caman na nafa t’a la ka kalan kuntaala janya. Kuntilenna ye ka walekɛbali dɛmɛ walisa a ka lajɛ la taga matarafa ko kura ani ka kɛ kibaru duman weleweledala basigilen ye ko kura. Baara lakɔlɔsibaga b’a jan to o kalan ɲɔgɔnnaw ka ɲɛtaaw la. Nin dɛmɛ min falen don kanuya la, o ka kan ka o balimakɛw n’o balimamusow bila k’u jɔyɔrɔ fa Jehowa ɲɛ kɔrɔ ani u “dili donnen ani u bamalen” ka to tiɲɛ kan ni kologɛlɛya ye.—Efe. 3;17; Gal. 6:5.