Funankɛw—aw ka nafa sɔrɔ Aw ka kalandenya waati la
1 Samiyɛ banna. Aw miirinataw ye mun ye aw seginni ko la kalanso la? Aw ka kalansanhakɛ la, yali aw kɔrɔtɔlen don ka nafa sɔrɔ san dɔ wɛrɛ la wa? Kalanso bɛ se ka cogo minnu di aw ma walisa aw ka tiɲɛ tila n’aw kalandenɲɔgɔnw n’aw karamɔgɔw ye, yali aw bɛna nafa sɔrɔ olu la wa? An dalen b’a la k’aw b’a fɛ k’aw seko bɛɛ kɛ kalanso la.
2 Aw ka kɛ kalanden ɲumanw ye: Tuma min na aw bɛ kalanbon kɔnɔ, ni a’ y’aw labɛn koɲuman ani ni a’ y’aw tulomajɔ kosɛbɛ, aw bɛna nafa mɛntaw caman sɔrɔ. Baara minnu bɛ di aw ma k’a kɛ so kɔnɔ, aw k’aw timinandiya olu kɛli la, nka aw kana to kalanso baara ka ɲagami don aw ka ala-ka-marako baaraw la.—Fil. 1:10.
3 Aw k’aw ka kalanso san kura daminɛ aw kɛtɔ ka Les Témoins de Jéhovah et l’instruction gafenin kalan. O kɔfɛ, aw, walima aw bangebagaw, ka kan k’a den kelen di aw karamɔgɔ kelen-kelen bɛɛ ma. Aw k’u ladɔnniya ko ɲininkali sugu o sugu b’u bolo, olu bɛna jaabi. O bɛna u dɛmɛ k’aw ka namuw an’aw ka dannakow faamu koɲuman tun, ani ka sɔn fana aw ni olu jɛ-ka-baara ma, n’aw bɛ taama ka kɛɲɛ n’aw ka kalan ɲɛfɔlen ye. Ikomi u b’aw dɛmɛ ka kalan nafama sɔrɔ, o bɛna sɛmɛntiya fana aw karamɔgɔw ye ko aw ani aw bangebagaw bɛ u fɛ jɛ-ka-baara kanu.
4 Aw ka kɛ seere ɲumanw ye: Mun na aw tɛna aw ka kalanso mafilɛ iko aw tɔgɔla danyɔrɔ senfɛ seereya kama? Kalanso san nata kɔnɔna na, aw bɛna danma cogow sɔrɔ ka seereya kɛ. Hakili ta fan fɛ, dakabana dɔnniya b’aw bolo, dɔnniya min ni aw y’a tila ni tɔw ye, o bɛna se ka ‘aw yɛrɛ kisi ka aw lamɛnbagaw fana kisi.’ (1 Tim. 4:16) Aw kɛtɔ ka Krecɛn taamacogo ɲuman mara, ka seereya kɛ, a bɛnnen don yɔrɔ o yɔrɔ la aw bɛna nafa sɔrɔ aw yɛrɛw ani tɔw ye.
5 Balimakɛ kamalennin dɔ ye senfɛ seereya kɛ a kalandenɲɔgɔnw ye u ka kalanso la. Katoliki dɔ ani mɔgɔ dɔ min tun dalen tɛ Ala ko la, n’a tun bɛ yɛlɛ mɔgɔw ma minnu tun dalen bɛ Ala la, ani kamalennin dɔ fana min tun ka sigarɛti tɛ faga, ni dɔlɔminajugu tun don fana, olu tun ye mɔgɔw ye minnu sɔnna a ka seereya ma. Balimakɛ kamalennin ye mɔgɔ minnu dɛmɛ k’u yɛrɛ latɛmɛ ani ka batɛmu ta, olu kuuru bɛɛ tun ye 15 ye!
6 O la sa, funankɛw, a’ y’aw cɛsiri ka kalan kɛ, ka baara kɛ aw danma danyɔrɔ la waajuli kama. O cogo la sa, aw bɛna nafa bɛɛ la belebele sɔrɔ aw ka kalanso taali la.