Yali ‘ŋɔni dɔ b’i farisogo la’ wa?

¹ An b’a kanu tiɲɛ yɛrɛ la k’an ka ci dafa ka kibaru duman waajuli kɛ an seko damajira bɛɛ la. Nka, an balimakɛw ani an balimamuso kanulenw caman b’a ye k’a ka gɛlɛn ka caman kɛ, k’a sababu kɛ bana juguw ye walima dɛsɛw ye minnu b’u kɛɲɛ ani ka gɛlɛya u bolo ka baara caman kɛ i n’a fɔ u b’a fɛ cogo min na. A dɔ rɔ, a ka gɛlɛn u bolo ka dusutiɲɛ kunnasagon, janko n’u ɲɛ b’a la ko tɔ minnu bɛ u lamini na, u ka kisɛ cidenyabaara la.—1 Kɔr. 9:16.

² Misali min ka kan ka ladege: Ciden Pol diyagoyara ka “ŋɔni dɔ” kun a “farisogo la”. Siɲɛ saba, a ye Jehowa sɛbɛkɔrɔ-deli walisa a k’o balilan jugu in bɔ yen. O balilan in ɲɛfɔra iko “Sitanɛ ka mɛlɛkɛ” dɔ min tun b’a bugɔ tuma bɛɛ tuma bɛɛ. Nka, o bɛɛ n’a ta, Pol y’a muɲu ani a taara ɲɛ a ka cidenyabaara la. A ma a yɛrɛ hinɛ minɛ walima a ma kɛ mɔgɔ ye min b’a makasi tuma bɛɛ. A y’a seko damajira kɛ. Walisa ka kunnasagonni kɛ, a ka taɲɛ gundo tun bɛ bɔ nin daŋaniya de la min bɛ bɔ Ala yɔrɔ: “Ne ka nɛɛma b’i bɔ; bawo ne ka sebagaya bɛ ka dafa barikantanya kɔnɔ.” Pol ka barikantanya tun kɛra fanga dɔ ye tuma min na a y’a dege ka sɔn a ka cogo ma ani k’a ka limaniya da Jehowa ni hakili senu kan walisa ka muɲuli kɛ.—2Kɔr. 12:7-10, NW.

³ An bɛ se ka muɲuli kɛ cogo min na: Ikomi hadamaden barika ka dɔgɔ, yali o bɛ dan sigi an ka baara la ka ɲɛsin Ala ma wa? N’a b’o cogo la, an ka ciden Pol taamacogo ladege. Hali n’a y’a sɔrɔ fura tɛ yen min b’i ka banaw walima i ka dɛsɛw ban pewu nin kow sigicogo in na, i bɛ se k’i ka limaniya dafalen da Jehowa kan. A b’i magow faamu, wa a bɛ “sebagaya dama dɔnbali” di. (2 Kɔr. 4:7) Dɛmɛ min b’i ye jɛkulu kɔnɔ, nafa sɔrɔ o la. I kana i yɛrɛ bila kelenya la. (Nta. 18:1) N’i y’a ye k’a ka gɛlɛn i ma k’i niyɔrɔ kɛ da-ni-da baara la, cogo minnu kɛli ka nɔgɔn i ma walisa ka senfɛ seereya kɛ walima ka seereya kɛ nɛgɛjuru sira fɛ, olu ɲini.

⁴ Hali n’a y’a sɔrɔ ŋɔni dɔ b’i farisogo la min bɛ se ka dɔ bɔ i bɛ se ka min kɛ cidenyabaara la, i kana miiri k’i tɛ se k’i niyɔrɔ si kɛ cidenyabaara la. Iko Pol, i bɛ se fana ka “Ala ka nɛɛma kibaru duman fɔ ka dafa,” ka kɛɲɛ ni fɛn ye i barika ani i cogo b’i bila k’o min kɛ. (Kɛw. 20:24, NW) Ikomi i bɛ cɛsiri de kɛ walisa k’i ka cidenyabaara kɛ, i ka dɔn k’o ka di Jehowa ye kosɛbɛ. — Heb. 6:10.