Jehowa ka hakili b’an fɛ
1 Baaraba de dira an Jehowa Seerew ma. Yesu ko: “Wajibi don kibaro duman waajuli ka kɛ siyaw bɛɛ ye.” (Mar. 13:10) Hadamaden ka yecogo la, o bɛ se ka kɛ i n’a fɔ ko kɛbali, nka, a tɛ ten. Fanga min ye fanga bɛɛ la barikaman ye diɲɛ kɔnɔ, o b’an bolo, wa a b’an kɔkɔrɔmadondo: Ala ka hakili.—Mat. 19:26.
2 San kɛmɛ fɔlɔ seereyaw: A kɛtɔ ka Isayi ka kiraya kuma sirataama a yɛrɛ la, Yesu ko: “Matigi ni [“hakili”, NW] bɛ ne kan . . . ka taa kibaro duman fo.” (Luka 4:17, 18) Sanni a ka yɛlɛn sankolo la, a y’a fɔ a ka cidenw ye k’olu fana bɛna fanga sɔrɔ hakili senu fɛ walisa ka seereya kɛ “fo ka taa se dugukolo dan bɛɛ ma”. Kɔfɛ, ci bilara Filipe kan hakili senu fɛ ka waajuli kɛ Ecopi faamalamɔgɔ dɔ kun. Hakili senu ye Piɛrɛ ci Romɛ kuntigi dɔ ma. Ale de fana ye Pol ni Barnabasi ci ka waajuli kɛ siyamɔgɔw kun. Jɔni tun na se k’a miiri ko mɔgɔ minnu bɛ bɔ o yɔrɔ suguw la, k’u tun na sɔn tiɲɛ la? Nka, u y’o de kɛ.—Kɛw. 1:8; 8:29-38; 10:19, 20, 44-48; 13:2-4, 46-48.
3 Bi tile seereyaw: Jirali kitabu b’i sinsi hakili senu ɲɛci kan waajuli baara la an ka waati la, a kɛtɔ ka fɔ ko: “Ni [“Hakili”, NW] senu ni kɔɲɔmuso b’a fɔ ko: “Na!” . . . Min b’a fɛ, o ka ɲɛnamaya ji min gansan.” (Jir. 22:17, ABM). Hakili senu ye Krista ka kɔɲɔnmuso kulu ani u jɛɲɔgɔnw “saga wɛrɛw” mɔgɔw bila ka kibaru duman waajuli kɛ siyaw bɛɛ ye. (Yuhana 10:16, ABM) An ka kan ka kisɛya an ka waajuli la. An kana yiranyiran abada ka kuma mɔgɔ suguw bɛɛ fɛ. An ka da a la tuma bɛɛ ko Ala ka hakili senu bɛna an dɛmɛ. San 1998 Annuaire bɛ darula jira ni daŋaniya ye, ko Ala ka hakili senu bɛ taa’ fɛ ka kɛ a ka magannaw fɛ. A ka baara nɔ lajɛ! San fila tɛmɛnenw baara kɔnɔna na, mɔgɔ minnu batisera don o don, o ka ca ni 1000 ye.
4 An jɛyalen b’a la ko Ala ka hakili senu bɛna taa’ fɛ ka to an fɛ an ka Masaya cikan waajuli la fo ka se hakɛ ma, hakɛ min ye Jehowa sago ye. O dɔnniya ka kan k’an dusu lamin ani k’an bila ka taa’ fɛ ka baara kɛ ni barika ye baara bɛɛ la nafaman na, n’o ye Masaya baara ye.—1 Tim. 4:10.