Aw Ka Ɲininkaliw Jaabi

◼ An bɛ se ka mun kɛ k’an ka lajɛw kɛ ka ɲɛ ka taa’ fɛ?

A bɛ se ka kɛ dɔw kɔnɔ ko jɛkulu ka lajɛw ɲɛli kotigiya bɛ maakɔrɔw ni cidenyabaara magannaw dɔrɔn de bolo k’a da a kan olu de b’u ɲɛminɛ ani ka jɛmukanw fanba di. Tiɲɛ na, an kelen-kelen bɛɛ bɛ se k’a niyɔrɔ kɛ ka lajɛw kɛ diyanye fɛn ye ani fɛn nafama ye. An bɛ se ka dɔ fara lajɛw ɲɛli kan ni kɛcogo tan ye minnu filɛ nin ye:

An ka kɔn k’an labɛn. N’an bɛ lajɛw labɛn ka ɲɛ, an b’an tulomajɔ u kɔrɔ ka ɲɛ. N’an bɛɛ b’a kɛ ten, lajɛw bɛ ɲɛnamaya ka taa’ fɛ ani u bɛ dɔ fara an barika kan ka taa’ fɛ. An ka lajɛw matarafa tuma bɛɛ. Jama caya ye bɛɛ kelen-kelen dusulaminko ye; nafa min b’a la ka kɛ lajɛw la an b’o faamu ka ɲɛ. An ka na ka bɛn waati ma. N’an sigilen don ka kɔn lajɛ daminɛ ɲɛ, an bɛ dayɛlɛli dɔnkili ani delili tɔnɔ sɔrɔ, ani o cogo la ka lajɛ nafa sɔrɔ fo ka se a dan na. An n’an ka kalankɛminɛnw ka na. N’an ni an ka Bibulu nana ka fara mansin-na-sɛbɛnw kan, kalan bɛ kɛ minnu kan lajɛ senfɛ, an bɛ se ka lamɛnni kɛ ka ɲɛ ani ka kalan kɛta faamu. Foyi kana an hakili ɲaami. An na an jan to kalan na n’an bɛ sigi ɲɛfɛ. Dogodogonin kumaw ani ɲɛgɛn na taa ka segin b’an jan bɔ kalan na, ani k’o kɛ tɔw fana la. An k’an niyɔrɔ kɛ. Ni jama la mɔgɔ caman b’u bolo wuli ka jaabi di, u ka limaniya dankɛnɛmayali bɛ dusu don balimakɛw ni balimamusow la kosɛbɛ ani ka dɔ fara u barika kan. An ka jaabi surunw di. O b’a to jama la mɔgɔ caman k’u dadon kuma la. A ka fisa an ka jaabi surunw di ani k’u bɛn kalan kɛta ma. An k’an ka jɛmukanw di. An mana kɛ Ala-ka-marako Cidenyabaara Kalan degeden ye wo, wala an sen bɛ Baara ka Lajɛ la wo, an k’an labɛn ka ɲɛ, k’an niyɔrɔ baaraw seginnkanni kɛ, ani an k’an gɛlɛya u kana bɔ a ma. An ka niyɔrɔkɛbagaw tanu. An bɛ diya min sɔrɔ tɔw ka maganw na, an k’o fɔ u ye. O bɛ dusu ni nege don u la ka baara ɲuman kɛ waati nata la. An ka ɲɔgɔn jija. Teriya foli ani ɲɔgɔnjijali barow ka kɔn lajɛw ɲɛ ani u bannen kɔ, o bɛ dɔ fara lajɛw diya ani u nafa kan.