San 1998 Ala-ka-marako cidenyabaara kalan

Ka don kalan na kɔrɔ ye ka “kalan wala ka dege dɔnniya la, wala ka senkolaya cogo pereperelatigɛlen na.” Ala-ka-marako cidenyabaara kalan sababu la, an bɛ ladamu tuma bɛɛ Ala ka dɔnniya fɛ. Ka fara o kan, an sen donni o kalan in na, o b’a to an ka se kuma ni kalan kɛcogo la. San 1998 kalan bolodasira bɛna cogo caman di an ma walisa ka taa ɲɛ, alako ta fan fɛ.

N’aw ye san nata bolodasira mafilɛ, aw n’a kɔlɔsi ko Kalan kun 3nan bɛ kɛ, tuma ni tuma, Bibulu kɔnɔ mɔgɔ dɔ de kan ka bɔ Auxiliairea kɔnɔ. Aw n’a kɔlɔsi fana ko Bonheur familial gafe farala bolodasira kan. Ɲɛtaawale la, Kalan kunw 3nan ni 4nan bɛna kɛ ale de kan. Ni Kalan kun 4nan bɛ bɔ Bonheur familial gafe kɔnɔ, balimakɛ dɔ ka kan k’a di iko jɛmukan. An k’an hakili to la ko mɔgɔ o mɔgɔ sen bɛ kalan in na, o si man kan ka waati dilen tɛmɛ.

Ko kura: An yɛrɛkun nafa kama, “Bibulu kalan bolodasira dankan” kɛlen bɛ kalaninw cɛma dɔgɔkun kelen-kelen bɛɛ ka dɔnkili kɔfɛ. Hali ni dɔgɔkun kalan bolodasira yɔrɔ si tɛ tali kɛ a la, a’ y’a kɛ aw kuntilenna ye ka tugu a la. A na don o don Bibulu kalan kɛ aw ka laada ye, ni hali sa a t’o cogo la.

N’aw mago bɛ kunnafoni wɛrɛw la kalan kunw ni laadilikanw ni seginkanni sɛbɛnnenw kan, a’ ye ɲɛfɔliw kalan ni ɲɛmajɔ ye, ɲɛfɔli minnu bɛ sɔrɔ “San 1998 Ala-ka-marako cidenyabaara kalan bolodasira” kɔnɔ, ani san 1996 Ɔkutɔburukalo Ministère du Royaume kɔnɔ, a ɲɛ 3nan na.

N’aw tɔgɔ sɛbɛnnen tɛ hali sa Ala-ka-marako cidenyabaara kalan na, an bɛ welebila aw ma aw k’a kɛ sisan. Nin kalan in min ɲɔgɔn tɛ, o bɛ taa ɲɛ ka jɔyɔrɔba ta Jehowa ka baaraden majigilenw ani yɛrɛlatɛmɛlenw ladamuli la, walisa u ka senkolaya ka taa’ fɛ u ka cidenyabaara la.—1 Tim. 4:13-16.

[Duguma sɛbɛn]